Mariko 8:2 - Kivunjo New Testament 1999

² “Ngawonia wuingyi-wu wo wandu wukyiwa cha kyipfa nyi mfiri iṟaṟu wakyeri na inyi, maa wawoṙe kyindo kyelya-pfo;

Mariko 8:2 ပူးပေါင်းရင်းမြစ်များ

Matayo 14:14

Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyiṟa ndoṟe tsawo.

Matayo 20:34

Yesu kashiwonia wukyiwa, kapaaya meso gasho; cha ilyi shikaiṙima iwona, shikamwosha.

Matayo 9:36

Na kyiyeri alewona wuingyi wo wandu, nalewona wukyiwa mrimenyi kokye kyipfa wawewinie na inyanyaṟika cha moondo galawoṙe mlyisi.

Mariko 1:41

Na oe kawona fowa mrimenyi kyipfa kyakye, kalesha kuwoko kokye, kampaaya, kammbia, “Ngyikundi, ila.”

Mariko 5:19

Kyaindi alemlekyia-pfo, indi nalemmbia, “Yenda kanyi kopfo, ko wandu wa kopfo, ndewaongoye shindo shilya shing'anyi Mndumii alekuwutia, na chandu alekusaṟia.”

Mariko 6:32

Wakayenda handu hakuṟiikyie ngalawenyi, handu halawoṙe wandu.

Mariko 6:34

Na oe kyiyeri alesoka ngalawenyi, kawona wuingyi wung'anyi wo wandu, kawawonia wukyiwa; cha kyipfa wawekyeri cha moondo galawoṙe mlyisi; kawooka iwalosha shindo shifoi.

Mariko 8:3

na inyi ngawasama wayende kanyi kowo na kunu wakuretekyie, wechioloka njienyi; na waata wawukyie kuleshi.”

Mariko 9:22

Na kafoi nekyemmbiyitsa moṙonyi, na mṟingyenyi, namrumatse. Kyaindi koiṙima, luwonie wukyiwa, na ilutarama.”

Luka 15:20

Kafuma kayenda ko awuye. Kyiyeri awekyeri kuleshi, awuye nalemmbona, kamsaṟia, kakapa mteeṟa, kamwolokyia ipfo nzingonyi kamkomba mnu.

Luka 7:13

Kyiyeri Mndumii alemmbona nalewoṙo nyi fowa mrimenyi kammbia, “Maa ulafiiṟe.”

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.

Waebrania 5:2

Echiiṙima iṙuana kui wuhoo na walya walaichi na walya waiṙeka, cha kyipfa oe amonyi nawoṙe mbaṟe ya wufofo;