Mariko 7:34 - Kivunjo New Testament 1999

³⁴ Kaambuya wuye ruwewu, katerewa Ruwa kui isumkyia lying'anyi, kammbia, “Efata”, kyimwi na igamba, “Tambuluka.”

Mariko 7:34 ပူးပေါင်းရင်းမြစ်များ

Mariko 1:41

Na oe kawona fowa mrimenyi kyipfa kyakye, kalesha kuwoko kokye, kampaaya, kammbia, “Ngyikundi, ila.”

Mariko 15:34

Na saa kyenda Yesu kakuilenga na ṟui lyakye ko pfinya, “Eloi, eloi, lama sabakyitani?” Ikyo kyagamba, “Ruwa oko, Ruwa oko, ny'kyilyi ongyiṙa?”

Mariko 5:41

Kawaṙa mana ulya kuwoko, kammbia, “Talyita, kumi”; kyitambuluo kyakye nyi “Mono-waka, ngakuwia, amka.”

Mariko 6:41

Kawaṙa mkate iya itanu na makunga galya gawi, kaambuya ruwewu, kaana, kapeṟenguo mkate iya, kaenengyia wanalosho wakye wawagawie; na makunga galya gawi kawagawia woose.

Mariko 7:35

Cha ilyi maṙwi gakye gakaṟusuka, ulumi lokye lukoṟengyeṟa, kaṙeṙa necha.

Mariko 8:12

Kawona fowa mrimenyi kokye, kagamba, “Ny'kyilyi rika-lyi lyipfula kyiṟingyishio? Ny'kyaloi, ngammbienyi, rika-lyi lyechienengo kyiṟingyishio kyiwukyie ruwewu-pfo.”

Luka 18:42

Yesu kammbia, “Enengo iwona. Iiṙikyia lyapfo lyakukyiṟa.”

Luka 19:41

Kyiyeri aleshika kufuhi nalewona mṟi, kaufiiṟia

Luka 7:14

Katikyira, kapaaya jeneza lyilya; walya wawelyiṙuṙe wakatirima. Kagamba, “Manakye, ngakuwia, amka.”

Yohane 11:33

Kyasia kyiyeri Yesu alemmbona echilyia, na Wayuda walya waweiṙuṙanyi na oe welyia, nalewoṙo nyi fowa mrimenyi, mrima okye ukoiṟewe,

Yohane 11:35

Yesu katonyitsa mcheṟeṟe.

Yohane 11:38

Kyasia Yesu, awoṙo-se nyi fowa mrimenyi, kashika halya kyilomenyi. Nakyo kyiwekyeri usanja, na igoe lyiwelyiyekyie wuye yakyo.

Yohane 11:41

Kyasia wakawuta ho igoe lyilya. Yesu kaambuya wuye, kagamba, “Awu, ngakuana cha kyipfa nongyiaṙanyia.

Yohane 11:43

Na oe amgambe isho, kalaga na ṟui lying'anyi, “Lasaro nnjo na kunu nja!”

Yohane 17:1

Yesu nalegamba mbonyi-tso, kaambuya ruwewu, kagamba, “Awu, kyiyeri kyamshika. Ng'anyisa Mono-pfo, kundu Mono-pfo nakung'anyise iyoe;

Mawuto Ga Wasu 9:34

Petiro kammbia, “Ainea, Yesu Kristo amkukyiṟa. Amka, uale kyitaṟa kyapfo.” Cha ilyi kaamka.

Mawuto Ga Wasu 9:40

Petiro kawawia woose wafumie nja, kapfiria ndi, katerewa, numa ya iho kapaaya mnying'a ulya o Dorikasi, kagamba, “Tabita, amka.” Dorikasi ulya awepfiie kaambuo, kawona Petiro, kaamka, kaṙamia.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.