Mariko 7:31 - Kivunjo New Testament 1999

³¹ Kawuka-se urukyenyi lo Tiro, kaiṙa makyiṙi-gawi ga Sidon, kayenda mṟasa ipalyipalyi lya Galyilaya, mṟasenyi na uruka luwoṙe mṟi ung'anyi uwoṙe shikaṟo ikumi okyelago Dekapolyi.

Mariko 7:31 ပူးပေါင်းရင်းမြစ်များ

Matayo 11:21

“Ochia lopfo, Korasini! Ochia lopfo Betisaida! Kyipfa cha kokooya shiṟiyisho shilewutika konyu shilewutika kulya Tiro na Sidon wawechiṙumbuya wunyamaṟi kyiyeri kyileshi kyileiṙa kui iṟaa masaṟa na ikushia ifui.

Matayo 4:18

Na oe kyiyeri aweichumia mbai ya ipalyipalyi lya Galyilaya, nalewona wana wa mka wawi, Simion ekyelago Petiro na Anderea mono-wamae wechiwiyitsa ndusu tseṙeia makunga ipalyipalyinyi; kyipfa wawekyeri wandu wekyeṙega makunga.

Matayo 4:25

Na wuingyi wo wandu wukomwosha, iwookyia Galyilaya na Dekapolyi, na Yerusalemu na Uyuda, na molyolya o Yoridan.

Mariko 5:20

Kafuma kawooka ionguo mṟinyi ung'anyi uwoṙe shikaṟo ikumi okyelago Dekapolyi, shindo shilya shing'anyi Yesu alemmbutia; wandu woose wakaṟiyio.

Mariko 7:24

Kawuka pfo, kayenda mṟasa uruka lo Tiro na Sidon. Kaiṙa na numba, alakunde kyimanyikye; kyaindi aleiṙima ikuṟiika-pfo.

Mariko 7:30

Kayenda kanyi kokye, kakooya mana ulya amlaṟe kyitaṟenyi, na mṟufui ulya mmbicho amwummbuka.