Mariko 7:23 - Kivunjo New Testament 1999

²³ Ishi shoose shekyewuka ko mndu, nasho shekyefanyiṟa mndu kyimṟumoe.”

Mariko 7:23 ပူးပေါင်းရင်းမြစ်များ

Mariko 7:15

Kuwoṙe kyindo kyikyeri nja ya mndu kyekyeiṙa na kokye kyikaiṙima imfanyiṟa kyimṟumoe-pfo. Indi shilya shekyewuka kokye, nyisho shekyefanyiṟa mndu ulya. [

Mariko 7:18

Kawawia, “Maa nyoe muwoṙe wuṟango-pfoe? Muichi kye orio kyindo kyikyeri nja ya mndu, kyikaiṙa na kokye, kyeiṙima imfanyiṟa-pfo;

Mariko 7:20

Kagamba, “Kyekyewuka ko mndu nyikyo kyekyemfanyiṟa kyimṟumoe.

Mariko 7:22

wuiwi, uwaagi, lango ngyiwicho, wulang'a, ngyeṟo, ukoe, wunyeng'i, shilahio, ikuṙosa na wutondo.

Mariko 7:24

Kawuka pfo, kayenda mṟasa uruka lo Tiro na Sidon. Kaiṙa na numba, alakunde kyimanyikye; kyaindi aleiṙima ikuṟiika-pfo.

1 Wakorinto 3:17

Kokooya mndu anyamaṟa hekalu lya Ruwa, Ruwa nechinyamaṟa mndu-cho. Cha kyipfa hekalu lya Ruwa nyi lyiele, nalyo nyi nyoe.

Tito 1:15

Shindo shoose shishicha ko walya wawecha; kyaindi kuwoṙe kyindo kyikyicha ko walya wafanyi kyimṟumoe-pfo, walya walawoṙe iiṙikyia; indi ngyuuṟango tsawo tsifanyi kyimṟumoe, na makusaṟo gawo taa.

Yuda 1:8

Nyi wuṙo na iwa, ndoṙo tsawo tsekyewasongoya kyiiṙi kya ifanyiṟa mmbiu yawo wawenyi, imina wuchilyi wo Ruwa, na ilahia shigumbe shiwoṙe mng'ano sha Ruwa ai wuye.