Mariko 6:2 - Kivunjo New Testament 1999

² Kyiyeri mfiri o onyonya ulecha, nalewooka iloshia sinagoginyi. Wandu wafoi kyiyeri waleicho wakaṟiyio, wechigamba, “Ichu nyi kwi alewona ishi? Nyi wuṟango wuha amwenengye? Nyi kuṙa aiwuta shindo shing'anyi kuṙi sha maṟiyisho?

Mariko 6:2 ပူးပေါင်းရင်းမြစ်များ

Matayo 4:23

Na oe nawetenga-tenga urukyenyi lo Galyilaya loose, echilosha masinagoginyi gawo na ilosha Mbonyi Ngyicha ya Wumangyi, na ikyiṟa ndoṟe na wufafa wo orio mbaṟe wandunyi.

Matayo 7:28

Na lyilya Yesu alemarisa igamba kuṙo, wuingyi wo wandu wuleṟiyio mnu kyipfa kya malosho gakye.

Mariko 1:39

Kayenda echionguo mbonyi masinagoginyi gawo, urukyenyi loose lo Galyilaya, na iwuta waṟufui wawicho.

Mariko 10:1

Kawuka pfo kashika mṟasenyi ya Uyuda, na molyolya o Yoridan. Wuingyi wufoi wukosanza-se wakayenda kokye, kawalosha-se chandu aweichiwie.

Luka 2:47

Na woose waleicho shilya awegamba waleṟiyio kyipfa kya wuṟango wokye na chandu aweiwagaluo.

Luka 4:15

Na oe naweiloshia masinagoginyi gawo, echiṟumisho nyi wandu woose.

Yohane 6:42

Wakagamba, “Ichu chi Yesu, mana o Yosefu, ulya luichi awuye na wamae? Wulalu naigamba kuṙa, ‘Ngyilesoka iwuka ruwewu?’”

Yohane 7:15

Wayuda wakaṟiyio, wechigamba, “Ichu nawaṙa kuṙa wuṟango na oe asomie-pfo?”