Mariko 5:7 - Kivunjo New Testament 1999

⁷ Kakalagatsa kui ṟui lying'anyi, kagamba, “Lekana na inyi, Yesu, Mono-Ruwa akyeri ruwewu. Kui rina lya Ruwa ulangyilyise wukyiwa.”

Mariko 5:7 ပူးပေါင်းရင်းမြစ်များ

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Matayo 26:63

Kyaindi Yesu katsia sau. Mkohanyi ang'anyi kuta woose kammbia, “Ngakututuma ulye nyamu kui rina lya Ruwa ai na moo, uluwie kokooya iyoe nyi oe Kristo, Mono-Ruwa.”

Matayo 4:3

Myeshi kacha na kokye kammbia, “Kokooya iyoe nyi mana o Ruwa, wia magoe-ga gawe mkate.”

Matayo 8:29

Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Mariko 1:24

echigamba, “Luwoṙe kyi na iyoe, Yesu o Nasareti? Ngyesa nocha ilurumatsa?

Mariko 14:61

Kyaindi katsia tsi, maa alegaluo kyindo-pfo. Mkohanyi ulya ang'anyi kuta woose kammbesa-se kammbia, “Iyoe nyi oe Kristo, Mana o ulya awoṙe mng'ano?”

Mariko 3:11

Na waṟufui wawicho, orio kyiyeri walemmbona, waleoloka mbele yakye, wakafuga, wechigamba, “Iyoe nyi oe Mono-Ruwa.”

Mariko 5:6

Na kyiyeri alewona Yesu ai kuleshi, nalekapa mteeṟa, kamwindia.

Mariko 5:8

Cha kyipfa nalemmbia, “Iyoe mṟufui mmbicho, wuka mndu-chu.”

Luka 1:32

Icho nechiwa ang'anyi. Nechilago Mana o ulya ai wuye, na Mndumii Ruwa nemwenenga kyiṙi kya wuchilyi kya Dawidi, awuye.

Luka 4:34

echigamba, “Leka! Lokukyi, Yesu o Nasareti? Nocha ilurumatsa? Ngyikuichi iyoe nyi wui, Mweele o Ruwa.”

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Luka 8:28

Na kyiyeri alewona Yesu nalekalagatsa na ioloka wanda mbele yakye na iṙeṙa na ṟui lying'anyi, echigamba, “Ngyiwoṙe kyikyi na iyoe, Yesu, Mana o Ruwa ai wuye? Ngyikuterewa ulangyituure.”

Yohane 20:31

Kyaindi ishi shileṟeio, kundu muiṙime iiṙikyia kye Yesu nyi oe Kristo, Mono-Ruwa; na kui iiṙikyia muwone moo o mlungana kui rina lyakye.

Mawuto Ga Wasu 16:17

Kyikaosha Paulo na soe, kyikakalagatsa, kyechigamba, “Wandu-wa nyi waṟundi wa Ruwa, wekyemuongoya mbonyi tsa wukyiṟo.”

Mawuto Ga Wasu 19:13

Wayuda waata wawekyetenga-tenga, wandu wawewoṙe iṟunda lya ifuna waṟufui wawicho, wakatambagana isenda rina lya Mndumii Yesu kyipfa kya walya wawewoṙo nyi waṟufui wawicho, wechigamba, “Kui rina lya Yesu ulya Paulo ekyeonguo mbonyi tsakye wuka mndu-chu!”

Mawuto Ga Wasu 8:36

Wakaengyeṟa iyenda, wakashika handu hawoṙe mṟinga. Mndu ulya o Kushi kagamba, “Kyeambuya mṟinga-chu; ny'kyikyi kyingyishingyia ngyilapatiso?”

Waroma 16:20

Na Ruwa o ufoṟo nechirumatsa Satana wanda ya maṙende ganyu iwinyi. Isaṟia lya Mndumii oṙu Yesu Kristo lyikae hamwi na nyoe [Amen.]

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Waebrania 7:1

Cha kyipfa Melyikyisedekyi-cho, mangyi o Salemu, mkohanyi o Ruwa ai wuye ruwewu, nalekarisana na Abrahamu kyiyeri aweiwuya ikapa wamangyi-wo, kammbikyia mboṟa.

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 12:12

Koikyo kapenyi ngulyilyi na ngoru, nyoe moose mokyekaa ruwewu. Ochia lonyu nyoe mokyekaa urukyenyi na ipalyipalyinyi! Cha kyipfa Mokyiriinzi ulya nasoka na konyu awoṙe nyashi ing'anyi, aichi kye nawoṙe kyiyeri kyifuhi tikyi.”