Mariko 5:23 - Kivunjo New Testament 1999

²³ echimterewa mnu, echigamba, “Mono-ko mtutu o kyika naipfa. Ngyikuterewa uche, uwikyie kuwoko kopfo wuye yakye, naiṙime ikyia, na iwaṙa moo.”

Mariko 5:23 ပူးပေါင်းရင်းမြစ်များ

Matayo 8:3

Yesu kagoṟuo kuwoko kampaaya, echigamba, “Ngyikundi; yeṟemka.” Na cha ilyi ndoṟe yakye ya taambo ikammbuka.

Mariko 16:18

Wechiwaṙa njoka; maa wakanyo kyindo kya wuṟoi; kyechiwawutia kyindo maa ale-pfo. Wechiyekyia mawoko gawo wuye ya waluoe, nawo wechiwaṙa pfinya.”

Mariko 5:24

Kayenda hamwi na oe. Wuingyi wung'anyi wo wandu wukomwosha, wechimpeṟeetsa-peṟeetsa.

Mariko 6:13

Wakafuna waṟufui wawicho wafoi; wakashia mafuṙa wandu wafoi waweluoe, wakawakyiṟa.

Mariko 7:32

Wakamwendie mndu mpfu maṙwi, alawekyeiṙima iṙeṙa, wakamterewa namwekyie mawoko.

Mariko 8:23

Kawaṙa kyipfupfuṟe kyilya kuwoko, kakyiṙuo nja ya kyikaṟo, kakyipuchia maṙa mesonyi, kakyiyekyia mawoko, kakyiwesa, “Nuwonyi kyindo?”

Luka 13:13

Kayekyia mawoko wuye yakye, na oe kagoṟoka cha ilyi kaṟumisha Ruwa.

Luka 4:38

Kawuka kulya sinagoginyi, kaiṙa na kanyi ko Simion. Na mamka o Simion, nawewoṙo nyi isemu, wakamterewa kyipfa kyakye.

Luka 4:40

Na lyilya kuleila, wandu woose wawewoṙe wandu waluoe ndoṟe tsa mbaṟe tsoose walewaende na kokye, kayekyia mawoko wuye ya orio umwi owo kawakyiṟa.

Luka 7:12

Na kyiyeri aletikyira kufuhi na moongo o mṟi, hawewoṙe mndu apfiie aweiṙoo nja, nyi kyimuumwi kya mndu mka umwi mkusu, na wandu wafoi wa mṟi ulya wawei hamwi na oe.

Yohane 11:3

Kyasia washikyi walya wakaṙuma ndumo ko Yesu wakagamba, “Mndumii, ulya umkundi naluoe.”

Mawuto Ga Wasu 28:8

Kyikawa-ng'u awu o Pubilyio nawewoṙo nyi homa na iaṟaka samu. Paulo kaiṙa na halya-ndu awekyeri, katerewa, kayekyia mawoko gakye wuye yakye, na imkyiṟa.

Mawuto Ga Wasu 6:6

Wakawawikyia mbele ya wasu, na wamterewe wakawayekyia mawoko.

Mawuto Ga Wasu 8:17

Naaho-ng'u wakawayekyia mawoko, nawo wakaambilyia Mumuyo Mweele.

Mawuto Ga Wasu 9:12

Na oe ammbona mndu ekyelago Anania echicha, na imyekyia mawoko, naiṙime iwona-se.”

Mawuto Ga Wasu 9:17

Anania kafuma, kaiṙa na kulya numbenyi Saulyi awekyeri, kamyekyia mawoko echigamba, “Mono-wama, Saulyi, Mndumii nangyiṙuma, Yesu ulya alecha na kopfo ukyeri njienyi icha na kunu Dameskyi, uiṙime iwona-se, uichuṟo Mumuyo Mweele.”