Mariko 5:13 - Kivunjo New Testament 1999

¹³ Kawaenenga momu. Waṟufui walya wawicho wakafuma, wakaiṙa na mmbiunyi ya nguwe tsilya; na poo lyilya lyoose lyikaseṟemka kyiiṟimikonyi lyeṙicha, tsikaiṙa na ipalyipalyinyi, cha nguwe shiku shiwi; tsikapfiia ipalyipalyinyi.

Mariko 5:13 ပူးပေါင်းရင်းမြစ်များ

Ulogo 20:7

Na kyiyeri maka-yo kyiku yechisia, Satana nechiwuto kyipfungonyi.

Ulogo 9:11

Na wuye yatso tsiwewoṙe mangyi, na oe nyi malaika o halya-ndu wandu wapfiie wekyekaa, ekyelago Abadoni (kyimwi na igamba Mrumatsi) kui mṙeṙie o Kyiebrania, na Apolyioni kui mṙeṙie o Kyikyiṟikyi.

1 Petiro 3:22

Na oe nakyeri kuwoko ko kulyoe ko Ruwa, nayenda ruwewu, echichilyia malaika na shindo shingyi shoose shiwoṙe pfinya kulya ruwewu.

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Matayo 8:32

Kawawia, “Yendenyi.” Wakawuka, wakaiṙa na kulya mmbiunyi ya nguwe; na poo lyilya lyoose lyikasoka halya kyiiṟimikonyi lyeṙicha mṟasa ipalyipalyinyi, lyikapfiia mṟingyenyi.

Matayo 7:6

Mulaenengye shite kyilya kyikyeri kyiele. Maa mulawiyitse lulu tsanyu mbele ya nguwe. Tsilachetsichuma-chuma, tsikagaluka na imtafuo-tafuo.”

Mariko 5:12

Waṟufui wawicho woose wakamterewa, wechigamba, “Luṙuo ko nguwe, luiṙime iiṙa na mmbiunyi yatso.”

Mariko 5:14

Walyisi wa nguwe tsilya wakaṙicha, wakaonguo mbonyi-tso mṟinyi na kundu kulai mṟinyi. Wandu wakafuma wawone kyindo kyilewutika.