Mariko 4:4 - Kivunjo New Testament 1999

⁴ Na kyiyeri aweiwaaya, mbeu ingyi ileoloka mbai ya njia, shileye shikacha shikailya.

Mariko 4:4 ပူးပေါင်းရင်းမြစ်များ

Matayo 13:19

Orio mndu kaicho ṙeṙo lya Wumangyi wo ruwewu alalyimanye, mmbicho ulya nekyecha, karakuo kyilya kyikyiṙongye mrimenyi kokye. Iyi nyiyo mbeu iya ingyiṙongye mbai ya njia.

Matayo 13:4

Na kyiyeri aweiwaaya, mbeu tsingyi tsileoloka kufui na njia, shileye shikacha shikatsilya.

Mariko 4:15

Iwa nyiwo wai mbai ya njia, Ṙeṙo lya Ruwa lyekyewooyo kowo. Nawo wakamuicho, cha ilyi Satana nekyecha, kawuta ho Ṙeṙo lyilya lya Ruwa lyileṙongo mrimenyi kowo.

Mariko 4:3

“Aṙanyienyi. Moolyia mbeu nalefuma indewaaya.

Mariko 4:5

Ingyi ikaoloka handu hawoṙe iṟaṟa, halawoṙe teri ishikyie. Cha ilyi ikaṙo kyaindi kyipfa kya iwuṟa teri ishikyie,

Luka 8:12

Walya wa kufuhi na njia nyi walya wekyeicho, numa Satana nekyecha karakuo Ṙeṙo lyilya lya Ruwa mrimenyi kowo, walacheiṙikyia na ikyia.

Luka 8:5

“Moolyia mbeu nalefuma indewaaya mbeu tsakye. Na oe kyiyeri aweiwaaya, tsingyi tsileoloka kufuhi na njia, tsikachumo-chumo, na shileye sha ngyinenyi shikatsilya.