Mariko 2:16 - Kivunjo New Testament 1999

¹⁶ Na walosha wa mawawaso na Mafarisayo kyiyeri walemmbona echilya hamwi na wesania ukamba na wanyamaṟi, walewia wanalosho wakye, “Ny'kyilyi ailya hamwi na wesania ukamba na wanyamaṟi?”

Mariko 2:16 ပူးပေါင်းရင်းမြစ်များ

Matayo 18:17

Na alandemuaṙanyie nyoe, wia siṟi; na alandeaṙanyie siṟi taa, na nawe kopfo cha mndu alaiṙikyie Ruwa na mosania ukamba.”

Matayo 5:46

Kyipfa mukokunda wamukundi nyoe tupu, mowona wori wuha? Maa wesania ukamba, wekyeṟunda isho isho-pfoe?

Matayo 9:11

Kyiyeri Mafarisayo walewona, walewia wanalosho wakye, “Ny'kyilyi mlosha onyu ailya handu hamwi na wesania ukamba na wanyamaṟi?”

Mariko 2:15

Na kyiyeri aweṙamie kanyi kokye echilya, wesania ukamba wafoi na wanyamaṟi waleṙamia hamwi na Yesu na wanalosho wakye; cha kyipfa wawei wafoi wechimwosha.

Mariko 2:7

“Ny'kyilyi ichu aigamba kuṙi? Nailahia Ruwa. Nyi wui echiiṙima ihooṟia wunyamaṟi sile umwi tupu, nyi oe Ruwa?”

Luka 18:11

Mfarisayo ulya kagoṟoka echiterewa kuṙi mrimenyi kokye, ‘Hoi Ruwa, ngakuana kyipfa inyi chi kyimwi na wandu wengyi, wasokyi, wawicho, waṟui maa cha mosania ukamba-chu-pfo.

Luka 19:10

Cha kyipfa Mana o Adamu nalecha ipfula na ikyiṟa kyilya kyiweṙekyie.”

Luka 19:7

Lyilya wandu walewona, walenunuwa woose, wechigamba, “Nayenda kanyi ko mndu mnyamaṟi.”

Luka 5:30

Mafarisayo na walosha wawo wa mawawaso wakanunuwia wanalosho wakye, wechigamba, “Ny'kyilyi muilya na inyo hamwi na wesania ukamba na wanyamaṟi?”

Mawuto Ga Wasu 23:9

Hakawaṙa kyikalagatso kying'anyi. Walosha wengyi wa mawawaso ga Mose wawekyeri ura lo Mafarisayo wakagoṟoka, wakaṙeṙa, wechigamba, “Luwonyi wuwicho woose ko mndu-chu-pfo; indi kokooya mumuyo ang'u malaika naṙeṙa na oe, nyi kyikyi?”

1 Wakorinto 2:15

Kyaindi mndu o kyimrima nekyemanya shoose, maa oe kuwoṙe mndu ekyemmanya-pfo.

Waebrania 12:3

Kusaṟenyi mnu mbonyi tsa ulya alekarishia iwingana lying'anyi mbaṟe-i lya walya wekyewuta sha wunyamaṟi. Koikyo maa mulaiṙikyie iloloma na ipfiiyo nyi mṙoe.