Mariko 13:8 - Kivunjo New Testament 1999

⁸ Cha kyipfa isanga lyechiamka ikapana na isanga, na wumangyi ikapana na wumangyi. Kochiwaṙa shiṙiinza handu kui handu na kochiwaṙa njaa. Igo nyigo mawookyionyi ga iwawio lying'anyi.

Mariko 13:8 ပူးပေါင်းရင်းမြစ်များ

Matayo 24:8

Isho shoose nyisho mawookyionyi ga iwawio lying'anyi.

Mariko 13:7

Na nyoe kyiyeri mochiicho mbonyi tsa shiṙa, na iweweṙo lya shiṙa mulakangaṟikye. Isho shiwaṟi iwoneka, kyaindi mafurumionyi galya galandeche-pfo.

Mariko 13:9

“Na nyoe kuṟiisenyi mrima yanyu. Kyipfa wechimṙuo nyoe mengyenyi; na masinagoginyi wechimkapa; na nyoe mochiṙoo mbele ya wachilyi na wamangyi kyipfa kyako, iwa wuṟingyishi kowo.

Mawuto Ga Wasu 11:28

Na kyiyeri lulesanzia handu hamwi, umwi owo ekyelago Agabo kagoṟoka, kaloṟa kui wuiṙimi wo Mumuyo Mweele kye njaa ing'anyi yeecha mfiri ya kufuhi wuyanenyi koose; na njaa-yo ikacha kyiyeri Kyilaudio awewoṙe uruka.

1 Watesalonikye 5:3

Kyiyeri wandu waigamba, “Kuwoṙe ufoṟo na kuwoṙe ndenga-pfo,” nyi lyo-ndu irumatso lyechicha kulawoṙe mndu akusaṟie, chandu fowa yekyecha na ko mndu mka mnene, na kya loi wechikyia-pfo.

Ulogo 6:4

Farasi ingyi ikafuma, ya kyimaande tarii, na ulya aweiṙamilyie naleenengo iwuta ufoṟo urukyenyi, kundu wandu wawaagane, na oe kaenengo ushu lung'anyi.