Mariko 13:34 - Kivunjo New Testament 1999

³⁴ Mfano okye nyi cha mndu aiyenda kyaro, kawia watumo wakye waambuye numba yakye, na ienenga orio mndu iṟunda lyakye, na oe kawia mringyi o moongonyi nalae kyiṙombo.

Mariko 13:34 ပူးပေါင်းရင်းမြစ်များ

Matayo 16:19

Na inyi ngyechikuenenga iyoe ngyuupfunguo tsa Wumangyi wo ruwewu na orio kyindo ochikyipfunga iha wuyanenyi, kyewa kyikyipfungye ruwewu; na orio kyindo ochikyipfunguo wuyanenyi, kyechiwa kyikyipfunguoe ruwewu.”

Yohane 10:3

Mringyi o moongo nekyepfunguya mlyisi-cho moongo, na moondo gekyemanya ṟui lyakye; na oe nekyelaga moondo gakye kui marina gawo, na igafumiṟia nja.

Waroma 13:6

Lyingyi-se kyipfa kya ikyo taa mokyetaa kodi; kyipfa wo nyi waṟundi wa Ruwa, wechikaa iṟundenyi-lyo ilyo.

1 Wakorinto 15:58

Kyasia, wana wa wama wakunde, kuwanzenyi, mulalolome, muengyeṟe mnu iṟundia Mndumii mfiri yoose, cha kyipfa muichi kye iṟunda lyanyu chi wulya kyiiṙi kya Mndumii-pfo.

Wakolosai 3:24

muichi kye moambilyia ko Mndumii wori wo kyioṟa. Muiṟundia Mndumii Kristo.

Wakolosai 4:1

Nyoe wandumii, enengyenyi watumo wanyu kyikyeri kya sungusinyi na kya wuloi, muichi kye maa nyoe muwoṙe Mndumii ruwewu.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.