Mariko 12:7 - Kivunjo New Testament 1999

⁷ Kyaindi waṙemi walya wakawiana, ‘Ichu nyi mokyioṟa, lummbaage, na kyioṟa kyechiwa kyaṙu.’

Mariko 12:7 ပူးပေါင်းရင်းမြစ်များ

Matayo 2:16

Naaho-ng'u Herode, ammbone kye ammbutio shindo sha ngyeṟo nyi wandu walya wawoṙe wuṟango wo mbonyi tsa nyenyeri naleicho nyashi mnu, kaṙuma wandu wakawaaga wana woose wa kyisoṟo wawekyeri kulya Betilehemu na ipfo mṟasenyi koose, wookyia wawoṙe maka iwi na wanda ya iho, ko kyiyeri kyoose alekyimanya ko wandu walya wawoṙe wuṟango wo mbonyi tsa nyenyeri.

Matayo 21:34

Ilyi kyiyeri kyesambuo kyiletikyira kufuhi, kaṙuma waṟundi wakye ko waṙemi walya, waambilyie ndunda tsakye.

Mariko 12:12

Nawo wakapfula immbaṙa, wakaowuo wandu wa kyisanzionyi; kyipfa walemanya kye kui mfano ulya naleṙeṙa mbonyi tsawo. Wakamṙa wakayenda.

Mariko 12:6

Kyasia nawewoṙe umwi-se, mana mkunde okye. Ichu na oe kamṙuma kowo mafurumionyi, echigamba, ‘Wechiindia mono-ko.’

Mariko 12:8

Wakammbaṙa, wakammbaaga, wakammbiyitsa nja ya ṙema lya msabibu.

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 5:28

“Ngamba lulemuima ilosha kui rina-lyi lya Yesu? Kyaindi nyoe moichuṟa mṟi oose o Yerusalemu na malosho ganyu, na mukundi luwio kye nyi soe lulembaaga.”

Mawuto Ga Wasu 7:52

Nyi wui kyiiṙi kya weonguo shisuku waku wanyu walalempfulutsa nyashi? Wo walewaaga walya waleṙumo nyi Ruwa ionguo mbonyi tsa icha lya ulya Msumganyi; ulya nyoe wulalu mowa waṟiingyi wakye, mukommbaaga.

Waebrania 1:2

mafurumionyi ga mfiri-i naleṙeṙa na soe kyiiṙi kya Mono-kye alemmbika nawe mokyioṟa o shindo shoose, lyingyi-se kui oe nalegumba wuyana.