Mariko 10:52 - Kivunjo New Testament 1999

⁵² Yesu kakyiwia, “Yenda, iiṙikyia lyapfo lyakukyiṟa.” Cha ilyi kyikaenengo iwona; kyikamwosha njienyi.

Mariko 10:52 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 12:22

Kyiyeri kyilya kaendio mndu awoṙo nyi mṟufui mmbicho, kyipfupfuṟe kyiwekyeiṙima iṙeṙa; kamkyiṟa, na ulya alaweiṙima iṙeṙa kaṙeṙa na iambuo.

Matayo 15:28

Naaho-ng'u Yesu kagaluo kammbia, “Mama, iiṙikyia lyapfo nyi lying'anyi; na kyiwe kopfo chandu ukundi.” Mana ulya okye o kyika kachia cha ilyi.

Matayo 21:14

Na shipfupfuṟe na shiwete shikayenda kokye akyeri kulya hekalunyi, kashikyiṟa.

Matayo 8:3

Yesu kagoṟuo kuwoko kampaaya, echigamba, “Ngyikundi; yeṟemka.” Na cha ilyi ndoṟe yakye ya taambo ikammbuka.

Matayo 9:22

Yesu kagaluka kammbona, kammbia, “Kuwanze mnu mrimenyi, mono-ko; iiṙikyia lyapfo lyakukyiṟa.” Mndu mka ulya kachia saa iya.

Mariko 1:31

Katikyira kufuhi na oe, kammbaṙa kuwoko kokye kamwira, isemu lyikamleka, kawaṟundia.

Mariko 5:34

Kammbia, “Mono-ko o kyika, iiṙikyia lyapfo lyakukyiṟa, yenda na ufoṟo, ndoṟe-yo ilawe-se wukyiwa wopfo.”

Mariko 8:25

Naaho-ng'u kawika-se mawoko gakye wuye ya meso gakyo, nakyo kyikaambuya mnu; kyikachia, kyikawona shoose na pata.

Luka 7:50

Kawia mndu mka ulya, “Iiṙikyia lyapfo lyakukyiṟa. Yenda na ufoṟo.”

Luka 9:48

kawawia, “Mndu oose echiambilyia mana-chu kui rina lyako nangyiambilyia inyi; na mndu oose echingyiambilyia inyi naambilyia ulya alengyiṙuma. Kyipfa ai mtutu kyiiṙi kyanyu moose icho nyi oe ang'anyi.”

Yohane 9:32

Wookyia kyiyeri-kyo kyilandegambo kye mndu naenenga kyipfupfuṟe wuiṙimi wo iwona, ulya alefeo mbaṟe-yo iyo-pfo.

Yohane 9:39

Yesu kagamba, “Inyi ngyilecha na kunu wuyanenyi ianduya, kundu iwo walaiwona wawone, na walya waiwona wawe shipfupfuṟe.”

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”