Mariko 1:8 - Kivunjo New Testament 1999

⁸ Inyi ngyilempatisa nyoe kui mṟinga; indi oe nechimpatisa nyoe kui Mumuyo Mweele.”

Mariko 1:8 ပူးပေါင်းရင်းမြစ်များ

Matayo 3:11

Ny'kyaloi inyi ngyimpatisa kui mṟinga kyipfa kya iṙumbuya wunyamaṟi; kyaindi ulya aicha numa yako nawoṙe pfinya kuta inyi, ngyiwaṟi maa iira shiaṙu shakye-pfo; oe nechimpatisa kui Mumuyo Mweele na kui moṙo.

Mariko 1:7

Kalosha echigamba, “Numa yako kuicha awoṙe pfinya kuta inyi. Icho inyi ngyiwaṟi iarama na ituruchuo ngowa tsa shiaṙu shakye-pfo.

Mariko 1:9

Kyasia mfiri iya, Yesu nalecha awuka Nasareti ya Galyilaya, kapatiso nyi Yohane kulya Yoridan.

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Yohane 1:26

Yohane kawagaluo, echigamba, “Inyi ngyimupatisa kui mṟinga, kyaindi kyiiṙi kyanyu hagoṟokyi mndu mulamuichi nyoe.

Yohane 1:33

Maa inyi ngyilemmanya-pfo; kyaindi oe alengyiṙuma ipatisa kui mṟinga nalengyiwia, ‘Ulya ochiwona Mumuyo echisoka na iṙamia wuye yakye, icho nyi oe ekyepatisa kui Mumuyo Mweele.’

Mawuto Ga Wasu 1:5

kye Yohane nalepatisa kui mṟinga, indi nyoe mochipatiso kui Mumuyo Mweele numa ya mfiri-i ngyaangu.

Mawuto Ga Wasu 10:45

Na Wayuda waweiṙikyie Yesu walekowacha hamwi na Petiro wawuka Yafa waleṟiyio, cha kyipfa maa wandu walaweiṙikyie Yesu walesumbo kyienengo kya Mumuyo Mweele.

Mawuto Ga Wasu 2:17

‘Mfiri yefurumia, Ruwa nagamba ngyechipusia wandu woose Mumuyo oko, na wana wanyu wa kyisoṟo na wa kyika wechionguo shisuku; na wanakye wanyu wechiwona shindo shilandeafukyie; na wandu waku wechiloṙo.

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

1 Wakorinto 12:13

Cha Kyipfa Mumuyonyi umwi soe loose lulepatiso iwa mmbiu umwi. Kye lui Wayuda, ang'u kye lui Wakyiṟikyi; kokooya lui watumo ang'u wandu lulawachilyie nyi mndu; na soe loose luleletsio Mumuyo umwi.