Mariko 1:41 - Kivunjo New Testament 1999

⁴¹ Na oe kawona fowa mrimenyi kyipfa kyakye, kalesha kuwoko kokye, kampaaya, kammbia, “Ngyikundi, ila.”

Mariko 1:41 ပူးပေါင်းရင်းမြစ်များ

Matayo 9:36

Na kyiyeri alewona wuingyi wo wandu, nalewona wukyiwa mrimenyi kokye kyipfa wawewinie na inyanyaṟika cha moondo galawoṙe mlyisi.

Mariko 1:40

Mndu awoṙo nyi taambo kacha na kokye, echimpfiria ndi, na imterewa, echigamba, “Kokunda noiṙima ingyulyisha na ingyiwuta ndoṟe-i.”

Mariko 1:42

Na cha ilyi taambo lyakye lyikammbuka, kaila.

Mariko 4:39

Kaamka, kaṙeṙia mkuma, kawia ipalyipalyi, “Tsia, ulakupaaye!” Mkuma ukotsia, kukowaṙa itsia sau lying'anyi.

Mariko 5:41

Kawaṙa mana ulya kuwoko, kammbia, “Talyita, kumi”; kyitambuluo kyakye nyi “Mono-waka, ngakuwia, amka.”

Mariko 6:34

Na oe kyiyeri alesoka ngalawenyi, kawona wuingyi wung'anyi wo wandu, kawawonia wukyiwa; cha kyipfa wawekyeri cha moondo galawoṙe mlyisi; kawooka iwalosha shindo shifoi.

Waebrania 1:3

Oe nekyeloṟa chandu Ruwa awoṙe mng'ano, fana ya mrima okye, echiṙuo shindo shoose kui iwawaso lya wuiṙimi wokye, amwende ihooṟio lya ngyuunyamaṟi tsa wandu, naleṙamia ura lo kulyoe lo ulya ang'anyi kuta woose.

Waebrania 2:17

Koikyo kyiwemmbaṟi ifananyisho na wana wa wamae shindonyi shoose, naiṙime iwa mkohanyi ang'anyi awoṙe isaṟia, ekyeafutsia kyilya ateṟia iṟundenyi lya Ruwa, nahooṟie wandu wakye ngyuunyamaṟi tsawo.

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.