Mariko 1:30 - Kivunjo New Testament 1999

³⁰ Na mamka o Simion, nawekyeri kyitaṟenyi, nawoṙo nyi isemu; na cha ilyi wakammbia mbonyi tsakye.

Mariko 1:30 ပူးပေါင်းရင်းမြစ်များ

Matayo 8:14

Kyiyeri Yesu aleshika kanyi ko Petiro, kawona mamka o Petiro, alee kyitaṟenyi nawoṙo nyi isemu.

Mariko 1:29

Na kyiyeri walewuka sinagoginyi, waleshika kanyi ko Simion na Anderea, hamwi na Yakobo na Yohane.

Mariko 1:31

Katikyira kufuhi na oe, kammbaṙa kuwoko kokye kamwira, isemu lyikamleka, kawaṟundia.

Mariko 5:23

echimterewa mnu, echigamba, “Mono-ko mtutu o kyika naipfa. Ngyikuterewa uche, uwikyie kuwoko kopfo wuye yakye, naiṙime ikyia, na iwaṙa moo.”

Yohane 11:3

Kyasia washikyi walya wakaṙuma ndumo ko Yesu wakagamba, “Mndumii, ulya umkundi naluoe.”

1 Wakorinto 9:5

Luwoṙe wuiṙimi wo iṙuo hamwi na soe mka mkristiano, cha wasu-wo wengyi na wana wa wama wa Mndumii na Kyefa-pfoe?