Mariko 1:14 - Kivunjo New Testament 1999

¹⁴ Kyasia Yohane ammbiko kyipfungonyi, Yesu kayenda Galyilaya, echionguo Mbonyi Ngyicha tsa Ruwa,

Mariko 1:14 ပူးပေါင်းရင်းမြစ်များ

Matayo 4:23

Na oe nawetenga-tenga urukyenyi lo Galyilaya loose, echilosha masinagoginyi gawo na ilosha Mbonyi Ngyicha ya Wumangyi, na ikyiṟa ndoṟe na wufafa wo orio mbaṟe wandunyi.

Matayo 4:12

Yesu amwicho kye Yohane Mpatisi nampfungye, naleyenda mṟasa Galyilaya.

Wafilyipi 2:17

Kacha kacheonguo ufoṟo konyu nyoe muwekyeri kuleshi, na ufoṟo ko walya wawekyeri kufuhi.

Luka 8:1

Kyikawa-ng'u numa ya iho naweitenga-tenga mṟinyi na shikaṟonyi echionguo mbonyi tsa Wumangyi wo Ruwa, na walya ikumi na wawi wawei hamwi na oe.

Mawuto Ga Wasu 28:23

Wamteṟiane na Paulo mfiri wechiwaṙa kyisanzionyi na oe wandu wafoi mnu wakacha na kulya numbenyi awekyekaa. Kawaongoya necha na iṟingyishia Wumangyi wo Ruwa, echiwaikyimbia kui mbonyi tsa Yesu, na mbonyi tsa mawawaso ga Mose na ga weonguo shisuku, wookyia ngamenyi mṟasa kyukonyi.

Matayo 9:35

Na Yesu naweitenga-tenga kyiiṙi kya mṟi yoose na shikaṟo, echilosha masinagoginyi gawo, ionguo Mbonyi Ngyicha tsa Wumangyi; na ichihiṟa ndoṟe tsoose na wufafa wo orio mbaṟe.

Mawuto Ga Wasu 20:25

Na wulalu inyi ngyiichi kye nyoe moose ngyilemuongoya mbonyi tsa Wumangyi wo Ruwa, ngayenda ipfo na ipfo, mochingyiwona-se-pfo.

Matayo 14:2

Kawia waṟundi wakye, “Ichu nyi oe Yohane Mpatisi. Naṟuka ko wapfu. Nyikyo kyitewe awoṙe pfinya tseṟunda ishi shoose.”

Luka 3:20

naleengyeṟa-se na wuwicho wungyi wuye ya shoose, kawika Yohane kyipfungonyi.

Matayo 11:2

Na Yohane kyiyeri aleicho ipfo kyipfungonyi mawuto ga Kristo, naleṙuma wanalosho wakye, immbesa,

Matayo 4:17

Wookyia kyiyeri-kyo Yesu nalewooka ionguo mbonyi ngyicha, na igamba, “Ṙumbuyenyi wunyamaṟi kyipfa Wumangyi wo ruwewu womtikyira kufuhi.”

Waroma 1:1

Paruo-i yawuka koko inyi Paulo, mṟundi o Yesu Kristo, alelago nawe msu, na iteseṟo naonguoe Ndumi Ngyicha ya Ruwa;