Mariko 1:13 - Kivunjo New Testament 1999

¹³ Kakaa ipfo nukyenyi ngyiumu suwaa ilawoṙe maa mṟinga mfiri makumi gaana, echiyesho nyi Satana. Na oe nawekyeri hamwi na mando ga saka, na malaika wawemṟundia.

Mariko 1:13 ပူးပေါင်းရင်းမြစ်များ

Matayo 26:53

Ang'u nokusaṟa kye inyi ngyechiiṙima iterewa Awu-yoko, na oe nangyiendie wulalu kuṙi ngyuulyimalyi tsa malaika tsifoi kuta ikumi na tsiwi-pfoe?

Matayo 4:1

Numa ya iho Yesu kaṙoo nyi Mumuyo kundu ko nuka, kundu nayesho nyi Mokyiriinzi.

Luka 4:1

Na Yesu, amwichuṟo nyi Mumuyo Mweele nalewuya iwuka Yoridan, kaṙoo nyi Mumuyo Mweele kyiyeri kya mfiri makumi gaana kundu ko nuka,

1 Timoteo 3:16

Na loi kyiṟika kya iowuo na ikunda Ruwa nyi kyindo kying'anyi. “Ruwa naleṟingyishio mmbiunyi, kamanyika nawoṙe wusumganyi Mumuyonyi, kawono nyi malaika. Mbonyi tsakye tsikagambo ko walya walaiṙikyie Yesu, wandu wa wuyana wakamwiṙikyia, kaṙoo wuye ruwewu kyiṟuminyi.”

Waebrania 4:15

Cha kyipfa luwoṙe mkohanyi alechiiṙima iṙuana na soe shindonyi shaṙu sha wufofo-pfo; kyaindi oe naleyesho kyimwi na soe shindonyi shoose, indi alewuta kya wunyamaṟi-pfo.