Luka 9:52 - Kivunjo New Testament 1999

⁵² Kaṙuma wandu wasonguo mbele yakye, wakayenda wakaiṙa na kyikaṟonyi kya Wasamaria, kundu wamwachikyie handu echikaa.

Luka 9:52 ပူးပေါင်းရင်းမြစ်များ

Matayo 10:5

Iwo ikumi na wawi Yesu nalewaṙuma, kawawia, “Ko walya walakyeri Wayuda mulayende, maa mulaiṙe na mṟinyi maa umwi o Wasamaria.

Luka 10:1

Kyasia, numa ya isho Mndumii nalewika wandu wengyi makumi mfungaaṙe, kawaṙuma wawi wawi wamsongoye iyenda orio mṟi na orio handu awekusurie iyenda amonyi.

Luka 10:33

Kyaindi Msamaria umwi echiyenda kyaro naleshika halya-ndu awei; na lyilya alemmbona nalemmbonia wukyiwa.

Luka 17:11

Kyiyeri waweiyenda Yerusalemu, naweiṙa makyiṙi-gawi ga Samaria na Galyilaya.

Luka 17:16

Kakuolotsa wanda maṙendenyi gakye, kamwana; na oe nyi-we Msamaria.

Luka 7:27

Ichu nyi oe shiṟeio shilegamba, ‘Ngyiṙuma mndu oko mbele ya ushangu lopfo, echisungusia njia yapfo mbele yapfo.’ ”

Yohane 4:4

Na oe kyiwemmbaṟi naiṙe kyiiṙi kya Samaria.

Yohane 4:5

Kyasia kashika mṟinyi o Samaria, okyelago Sikari, kufuhi na ṙema lyilya Yakobo alekoaenenga Yosefu mono-kye.

Yohane 4:9

Kyasia mndu mka ulya o Kyisamaria kammbia, “Kyawa kuṙa iyoe Myuda iterewa mṟinga koko na inyi nyi mndu mka o Kyisamaria?” (Kyipfa Wayuda na Wasamaria wekyekaa handu hamwi-pfo).

Yohane 8:48

Wayuda wakagaluo, wakammbia, “Ngyesa soe luigamba loi kye iyoe nyi mndu o Samaria, na iyoe nuwoṙo nyi mṟufui mmbicho-pfoe?”