Luka 9:48 - Kivunjo New Testament 1999

⁴⁸ kawawia, “Mndu oose echiambilyia mana-chu kui rina lyako nangyiambilyia inyi; na mndu oose echingyiambilyia inyi naambilyia ulya alengyiṙuma. Kyipfa ai mtutu kyiiṙi kyanyu moose icho nyi oe ang'anyi.”

Luka 9:48 ပူးပေါင်းရင်းမြစ်များ

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 18:14

Na wuṙo kyilachihiṟie ushangunyi lo Awu-yonyu akyeri ruwewu kye umwi o iwa watutu naṙekye.”

Matayo 19:28

Yesu kawawia “Ny'kyaloi, ngammbia kye nyoe mulengyiosha inyi, wuyanenyi wuhya, kyiyeri Mono-Adamu echiṙamia kyiṙinyi kya mng'ano okye, na nyoe mochiṙamia shiṙinyi ikumi na shiwi, mochianduya mbaṟe ikumi na tsiwi tsa wandu wa Isiraelyi.

Matayo 25:40

Na Mangyi nechigaluo, echiwawia, ‘Ny'kyaloi ngammbia, chandu mulewutia umwi o wana wa wama-wo wako wai watutu, mulengyiwutia inyi.’

Matayo 25:45

Na oe newagaluo, echigamba, ‘Ny'kyaloi, ngammbia, chandu mulalewutia umwi o iwo wai watutu, mulengyiwutia inyi-pfo.’

Mariko 9:37

“Mndu kaambilyia mana umwi o mbaṟe-i kui rina lyako, nangyiambilyia inyi; na mndu kangyiambilyia inyi, naambilyia, chi inyi-pfo, indi ulya alengyiṙuma.”

Luka 10:16

Momuaṙanyia nyoe, nangyiaṙanyia inyi; na amulega nyoe nangyilega inyi; na angyilega inyi nalega ulya alengyiṙuma.”

Luka 14:11

Cha kyipfa orio mokung'anyisa nechititiṟo na ulya mokutitiṟa neching'anyiso.”

Luka 22:26

kyaindi konyu nyoe chi wuṙo-pfo, indi ang'anyi konyu nawe cha akyeri mtutu; na mochilyia nawe cha ulya aiṟundia wengyi.

Luka 22:30

muiṙime ilya na inyo mesenyi yako Wumangyinyi woko; na iṙamia shitimenyi sha mng'ano, kunu mochianduya wandu wa mbaṟe ikumi na tsiwi tsa Isiraelyi.”

Luka 7:28

“Inyi ngammbia, kyiiṙi kya walya wawafee nyi waka kuwoṙe ang'anyi kuta Yohane Mpatisi-pfo. Kyaindi akyeri mtutu Wumangyinyi wo Ruwewu nang'anyi kuta oe.”

Yohane 13:20

Ny'kyaloi ngammbia, ulya aambilyia mndu oose ngamṙuma, nangyiambilyia inyi; na ulya angyiambilyia inyi naambilyia ulya alengyiṙuma.”

Yohane 14:21

Ulya aambilyia mawawaso gako na igaosha, icho nyi oe angyikundi; na ulya angyikundi Awu oko nechimkunda; na inyi ngyechimkunda na imloṟa mbonyi tsako na pata.”

1 Watesalonikye 4:8

Kyasia ulya ailega, ailega mndu-pfo indi Ruwa, ekyemuenenga nyoe Mumuyo okye Mweele.

1 Petiro 5:6

Kyasia pfererienyi wuchilyinyi wo Ruwa wuwoṙe pfinya, kundu namuṙose kui kyiyeri kyakye;

Ulogo 21:14

Na kyiambasa kya mṟi kyiwewoṙe ngyuurende ikumi na tsiwi, na ipfo ngyuurendenyi marina ikumi na gawi ga wasu walya ikumi na wawi wa Kyiondo kya Ruwa.

Ulogo 3:21

Ulya mowinga, ngyechimwenenga momu o iṙamia hamwi na inyi kyitimenyi kyako kya mng'ano, chandu na inyi ngyilewinga ngaṙamia hamwi na Awu oko kyitimenyi kyakye kya mng'ano.