Luka 9:41 - Kivunjo New Testament 1999

⁴¹ Yesu kagaluo, kagamba, “Nyoe rika lyilawoṙe iiṙikyia, lyiyendie njia ilawaṟi, ngyechikaa hamwi na nyoe na iṙuana na nyoe mṟasa indi? Ende mana-cho na iha.”

Luka 9:41 ပူးပေါင်းရင်းမြစ်များ

Matayo 11:28

Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha.

Matayo 12:39

Kagaluo kawawia, “Rika lyiwicho lya wuṟui lyipfula kyiṟingyishio, maa lyechienengo kyiṟingyishio-pfo, sile kyiṟingyishio kya moonguo shisuku Yona.

Matayo 12:45

cha ilyi nekyeyenda, kaṙuo handu hamwi na oe waṟufui wengyi wawicho mfungaaṙe wakyeri wawicho kuta oe amonyi, nawo wekyeiṙa na numba na ikaa pfo; na mndu ulya mafurumionyi gakye gekyewiha kuta kulya mawookyionyi. Nyi wuṙo kyechiwa, ko rika-lyi lyii lyiwicho.”

Matayo 16:4

Rika lyiwicho na lya wuṟui lyikundi kyiṟingyishio, maa lyechienengo kyiṟingyishio-pfo, sile kyiṟingyishio kya Yona.” Kalekana nawo, kayenda.

Matayo 17:17

Yesu kagaluo, kagamba, “Nyoe rika lyilawoṙe iiṙikyia, lyiendie njia ilawaṟi, ngyechikaa hamwi na nyoe mṟasa indi? Ngyeṙuana na nyoe mṟasa indi? Mwendenyi na kunu koko.”

Matayo 23:36

Ny'kyaloi, ngammbienyi, ngapo-tso tsoose tsechiolokyia rika-lyi.

Matayo 3:7

Na lyilya alewona wafoi kyiiṙi kya Mafarisayo na Masadukayo wechicha na wupatisonyi wokye, nalewawia, “Nyoe maalea ga njoka, nyi wui alemwikyimbia nyoe iṙicha nyashi-yo iicha?

Mariko 10:14

Indi Yesu kyiyeri alewona kasuo mnu, kawawia, “Lekyenyi wana watutu wache na koko, mulawashingyie-pfo; cha kyipfa wana cha iwa Wumangyi wo Ruwa nyi wowo.

Mariko 10:49

Yesu kagoṟoka, kagamba, “Kyilagenyi.” Wakalaga kyipfupfuṟe kyilya, wakakyiwia, “Kuwanze mrimenyi; goṟoka, naikulaga.”

Mariko 9:19

Kawagaluo, kagamba, “Nyoe rika lyiwoṙe iiṙikyia lyifofo, ngyikae na nyoe mṟasa indi? Ngyiṙuane na nyoe mṟasa indi? Muendenyi na koko.”

Luka 8:25

Kawawia, “Lyookwi iiṙikyia lyanyu?” Wakaowuo, wakatandiṟi, wechigamba wo wenyi ko wenyi, “Ichu nyi wui aṙeṙia shiwiṟi na mṟinga, nasho shikamwaṙanyia?”

Luka 9:40

Ngaterewa wanalosho wapfo wammbute, walaiṙime.”

Luka 9:42

Kyiyeri aweiyenda kokye, mṟufui mmbicho ukomwolotsa wanda, kauma nguku. Yesu kaṙeṙia mṟufui ulya mmbicho, kakyiṟa mana ulya, kammbiyiṟia awuye.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 20:27

Numa ya iho kawia Tomasi, “Goṟuo kuwoko kopfo; ambuya mawoko gako, waṙa uwarinyi koko; molawe mndu alaiṙikyie, indi aiṙikyie.”

Mawuto Ga Wasu 13:18

Na kyiyeri kya maka makumi gaana kakarishia mkaṟo yawo ngyiwicho kulya nukyenyi ngyiumu suwaa ilawoṙe maa mṟinga.

Mawuto Ga Wasu 2:40

Kawaṟingyishia kui maṙeṙo gengyi gafoi mnu na iwaikyimbia, echigamba, “Kaenyi kuleshi na rika-lyi lyilekyeicho.”

Waroma 2:4

Ang'u nuimina wucha wokye wufoi na wusimiri wokye na ikarishia lyakye, ulamanye kye wucha wo Ruwa wukukuruo uiṙime iṙumbuya wunyamaṟi?

Waebrania 3:19

Kyasia, lowona kye waleiṙima iiṙa na kulya urukyenyi-pfo kyipfa walelega iiṙikyia Ruwa.

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

Waebrania 4:2

Kyipfa nyi loi, maa soe taa luleongoyo mbonyi ngyicha chawo. Kyaindi mbonyi-tso wandu waleicho tsilewatarama kyindo-pfo kyipfa tsileṙuana na iiṙikyia lya mrimenyi ko walya waleicho-pfo.

Waebrania 7:25

Na oe, kyipfa kya ikyo, neiṙima ikyiṟa nakamwi walya wekyecha na ko Ruwa kui oe; kyipfa nakyeri na moo mfiri yoose kundu nawaterewie.