Luka 9:18 - Kivunjo New Testament 1999

¹⁸ Kyasia kyiyeri aweiterewa handu hakuṟiikyie, wanalosho wakye wawei hamwi na oe, kawawesa, “Wuingyi-wo wo wandu waigamba inyi nyi wui?”

Luka 9:18 ပူးပေါင်းရင်းမြစ်များ

Matayo 14:23

Na oe amsamane na wuingyi wo wandu, naleṙooya fumvunyi handu halawoṙe wandu, indeterewa. Na kyiyeri kuleila, nawekyeri pfo amonyi.

Matayo 26:36

Numa ya iho Yesu kayenda hamwi nawo mṟasa handu hekyelago Getisemane, kawia wanalosho wakye, “Ṙamienyi iha, mṟasa ngyiyende kulya ngyindeterewa.”

Luka 11:1

Kyasia kyiyeri awei handu halyiwe echiterewa, ammarise, umwi o wanalosho wakye nalemmbia, “Mndumii, luloshe iterewa chandu Yohane alelosha wanalosho wakye.”

Luka 3:21

Kyikawa-ng'u wandu woose wampatiso, na Yesu ampatiso na oe naiterewa, mapuchi galeseia.

Luka 6:12

Kyasia mfiri iya naleyenda fumvunyi kundu nandeterewa, kalaa kyiṙombo kyio kyoose echiterewa Ruwa.

Luka 9:19

Wakamgaluo, wechigamba, “Yohane Mpatisi; kyaindi wengyi, Elyia; na wengyi kye nyi umwi o weonguo shisuku wa kacha aṟuka.”

Luka 9:28

Numa ya mbonyi-tso, hamwiṙe mfiri nyanya, naleṙuo Petiro na Yohane na Yakobo, kaṙo na fumvunyi kundu nandeterewa.

Luka 9:29

Kyiyeri aweiterewa fana ya kyaam kyakye ikailachika, mawale gakye gakailachika gakaila peṟu gakakyema-kyema.