Luka 9:10 - Kivunjo New Testament 1999

¹⁰ Kyasia kyiyeri wasu walya walewuya walemwongoya mbonyi tsoose tsilewutika; kawaṙuo kayenda nawo handu hakuṟiikyie mṟasa mṟi umwi okyelago Betisaida.

Luka 9:10 ပူးပေါင်းရင်းမြစ်များ

Matayo 11:21

“Ochia lopfo, Korasini! Ochia lopfo Betisaida! Kyipfa cha kokooya shiṟiyisho shilewutika konyu shilewutika kulya Tiro na Sidon wawechiṙumbuya wunyamaṟi kyiyeri kyileshi kyileiṙa kui iṟaa masaṟa na ikushia ifui.

Mariko 2:7

“Ny'kyilyi ichu aigamba kuṙi? Nailahia Ruwa. Nyi wui echiiṙima ihooṟia wunyamaṟi sile umwi tupu, nyi oe Ruwa?”

Luka 10:17

Naaho-ng'u walya makumi mfungaaṙe walewuya na sia, wechigamba, “Mndumii, maa waṟufui wawicho wailuindia kui rina lyapfo.”

Yohane 1:44

Na Filyipo nawekyeri mndu awukyie Betisaida, mṟi Anderea na Filyipo wawekyekaa.

Waebrania 13:17

Indienyi walya wekyemusongoya, na iwapfereria; kyipfa wo wekyelaa kyiṙombo kyipfa kya mrima yanyu. Kyipfa wechiwia Ruwa mbonyi tsa wuṟundi wowo, kundu kye wawute kuṙo kui sia maa chi kui fowa-pfo; kyipfa kyiwechimuenenga nyoe kyiira-pfo.