Luka 8:47 - Kivunjo New Testament 1999

⁴⁷ Mka ulya ammbone kye echiiṙima ikuṟiika-pfo, kacha eṙeṙema, kaoloka mbele yakye, kamwongoya mbele ya wandu woose, kyimaṙuma kya impaaya, na chandu alewekyiṟo cha ilyi.

Luka 8:47 ပူးပေါင်းရင်းမြစ်များ

Matayo 28:8

Wakafuma iwinyi iwuka kyilomenyi, kui wuowu na sia ing'anyi, wakayenda weṙicha iongoya wanalosho wakye mbonyi.

Mariko 5:33

Na mndu mka ulya kawoṙo nyi wuowu na iṙeṙema, aichi kyammbutikyia, kacha kamwolokyia, kamwongoya wuloi woose.

Luka 8:46

Yesu kagamba, “Kuwoṙe mndu angyipaaya, kyipfa ngyikuichuoe pfinya tsangyiwuka.”

Luka 8:48

Kammbia, “Mana, iiṙikyia lyapfo lyakukyiṟa. Yenda na ufoṟo.”

Mawuto Ga Wasu 16:29

Kagamba taa tsiendo, kashoongyia numba, echiṙeṙema kui wuowu, kaolokyia Paulo na Sila.

1 Wakorinto 2:3

Na inyi ngyiwekyeri konyu wufofonyi na wuowunyi na iṙeṙema lying'anyi.

2 Wakorinto 7:15

Na ikunda lyakye konyu lyekyeengyeṟika ngoseṟa, kyiyeri ekyekumbuo iindia lyanyu nyoe moose, chandu mulemwambilyia kui wuowu na iṙeṙema.

Waefeso 2:12

Kyasia wakunde wako, chandu mulepfereria mfiri yoose, chi kyiyeri inyi ngyiwekyeri ho tupu-pfo, indi wulalu ngoseṟa mnu ngyilakyeri ho, afutsienyi wukyiṟo wonyu muwenyi kui iowuo na iṙeṙema.

Waebrania 12:28

Kyasia, cha kyipfa luiambilyia Wumangyi wulechiiṙima iṙeṙemsho, luwaṙe isaṟia, lyilya kyipfa kya ikyo luterewe Ruwa na imwindia kui njia yechimchihiṟa, hamwi na wupfereri na wuowu;