Luka 8:41 - Kivunjo New Testament 1999

⁴¹ Na mndu umwi ekyelago Yairo kacha, na oe nawei ang'anyi o sinagogi. Kaoloka maṙendenyi ga Yesu, kamterewa naiṙe na kanyi kokye;

Luka 8:41 ပူးပေါင်းရင်းမြစ်များ

Luka 13:14

Kyasia ang'anyi o sinagogi nalesuo kyipfa Yesu nakyiṟa mndu mfiri o onyonya. Kagaluo, kawia walya wawesanzie halya, “Kuwoṙe mfiri iṟaandaṟu iwaṟi iṟunda, kyasia nnjonyi mukyiṟo mfiri-yo, maa chi mfiri o onyonya-pfo.”

Luka 17:16

Kakuolotsa wanda maṙendenyi gakye, kamwana; na oe nyi-we Msamaria.

Luka 5:8

Simion Petiro ammbone kuṙo, naleoloka maṙendenyi ga Yesu, echigamba, “Wuka koko, kyipfa inyi nyi mndu mnyamaṟi, Mndumii.”

Luka 8:42

kyipfa mana okye o kyika nawei kufuhi na ipfa, na nyi mana kyimuumwi kokye, awewoṙe cha maka ikumi na iwi. Na kyiyeri aweiyenda wuingyi wo wandu wulemwiṟiwia.

Luka 8:49

Kyiyeri aweiṙeṙa isho, kukocha mndu awuka kanyi ko ulya ang'anyi o sinagogi, kammbia, “Mana opfo ampfa; maa ulawinishe mlosha.”

Yohane 11:21

Kyasia Marita kawia Yesu, “Mndumii, kokooya uwekyeri iha, msacha-chu oko aweipfa-pfo.

Mawuto Ga Wasu 13:15

Numa ya isoma kyitumbuṟe kya uwawaso na kyitapu kya weonguo shisuku, wasongoru wa sinagogi wakaṙuma mndu kowo na iwawia, “Wana wa wama kyiiṙi kya iiṙikyia, kokooya muwoṙe ṙeṙo lyetarama wandu-wa, lyionguonyi.”

Mawuto Ga Wasu 18:17

Nawo woose wakawaṙa Sostene, ang'anyi o sinagogi, wakamkapa mbele ya handu halya heanduya wandu. Maa Galyio alewona mbonyi-tso kye nyi kyindo-pfo.

Mawuto Ga Wasu 18:8

Na Krispo, ang'anyi o sinagogi, kaiṙikyia Mndumii hamwi na wandu wa kanyi kokye woose. Kyiyeri Wakorinto wengyi waleicho wakaiṙikyia Yesu, wakapatiso.

Mawuto Ga Wasu 9:38

Na kyipfa mṟi o Lyida uwekyeri kufuhi na Yafa, na wanalosho waleicho kye Petiro nakyeri pfo, wakaṙuma wandu wawi kokye, imterewa wechigamba, “Ulakyelyio icha na koṙu.”

Ulogo 5:8

Na kyiyeri amwambilyie kyitapu-kyo, iwo waana wai na moo na wameeku walya makumi gawi na waana wakaoloka mbele ya Kyiondo kyilya kya Ruwa, orio umwi owo awoṙe wuṙa wo ndusu, na pakulyi tsa sahapu tsiichuo shindo shekyepfaama necha, shikyeri nyi shiterewo sha wandu wa Ruwa.