Luka 8:35 - Kivunjo New Testament 1999

³⁵ Wandu wakafuma indewona ikyo kyilewutika, wakayenda ko Yesu, wakawona mndu ulya alewuto waṟufui wawicho aṙamie maṙendenyi ga Yesu, aṟee nguwo na makusaṟo gakye gai mecha, wakaowuo.

Luka 8:35 ပူးပေါင်းရင်းမြစ်များ

Matayo 4:24

Na mbonyi tsakye tsikaṙunganana urukyenyi lo Shamu loose; wakamwendie woose waweluoe, wawoṙo nyi orio ndoṟe na orio ilyiso wukyiwa, wawoṙo nyi waṟufui wawicho, na wekyeuma nguku, na wapfiie ngapfu ura lumwi; kawakyiṟa.

Mariko 5:15

Wakayenda ko Yesu, wakawona ulya awewoṙo nyi waṟufui wawicho, aṙamie, aṟee nguwo, alamsuko-se, na oe nyi oe awewoṙo nyi poo lyilya lya waṟufui wawicho; wakaowuo.

Luka 10:39

Na oe nawewoṙe mono-wamae o kyika ekyelago Maria, aleṙamia maṙendenyi ga Yesu, kaaṙanyia maṙeṙo gakye.

Luka 15:17

Kyiyeri alekusaṟa mrimenyi kokye, nalegamba, ‘Nyi waṟundi wenga wa awu oko wekyelya shelya na itsugaṟa, na inyi iha ngyiipfa njaa?’

Luka 2:46

Na hamwiṙe mfiri iṟaṟu wakammbona hekalunyi, aṙamie makyiṙi-gawi ga walosha, echiwaaṙanyia na iwawesa shindo.

Luka 8:27

Na oe kyiyeri alesoka ngalawenyi, nalekarisana na mndu awewoṙo nyi waṟufui wawicho; alawendeṟae nguwo mfiri ifoi, maa awekyekaa kanyi-pfo, indi kundu awekyelaa nyi kundu kuwekuṟikye wandu wapfiie.

Luka 8:34

Kyiyeri walyisi walewona kyindo kyilewutika, waleṙicha, wakaonguo mbonyi-tso mṟinyi na handu hengyi hoose.

Mawuto Ga Wasu 22:3

“Inyi nyi Myuda, ngyilefeo Tariso, mṟi o Kyilyikyia, indi ngyileng'anyisio kunu mṟinyi, ngyikyeri manalosho o Kamalyielyi. Ngalosho chandu kyiwaṟi mawawaso goose ga waku waṙu, ngawa mndu ekyepfuṟukania Ruwa chandu nyoe mukyeri inu.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.