Luka 8:28 - Kivunjo New Testament 1999

²⁸ Na kyiyeri alewona Yesu nalekalagatsa na ioloka wanda mbele yakye na iṙeṙa na ṟui lying'anyi, echigamba, “Ngyiwoṙe kyikyi na iyoe, Yesu, Mana o Ruwa ai wuye? Ngyikuterewa ulangyituure.”

Luka 8:28 ပူးပေါင်းရင်းမြစ်များ

Matayo 8:29

Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Luka 8:27

Na oe kyiyeri alesoka ngalawenyi, nalekarisana na mndu awewoṙo nyi waṟufui wawicho; alawendeṟae nguwo mfiri ifoi, maa awekyekaa kanyi-pfo, indi kundu awekyelaa nyi kundu kuwekuṟikye wandu wapfiie.

Luka 8:29

Kyipfa nalekoaṙeṙia mṟufui ulya mmbicho nawukye mndu ulya. Kyipfa nawekyemmbaṙa kyiyeri kyifoi, mṟasa kawamoringo kyipfungonyi, echipfungo na mshe na ngowa; kaṙumbuo shipfungo shilya, kaṟichiṟo nyi mṟufui ulya mmbicho mṟasa nukyenyi ngyiumu suwaa ilawoṙe maa mṟinga.

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

Ulogo 20:10

Na Mokyiriinzi ulya, ekyewalemba, kawiyitso iruwenyi lya moṙo na kyipiriti, kundu lyikyeri indo lyilya na moonguo shisuku ulya o wongo. Nawo wechilyiso wukyiwa kyio na kyingoto mṟasa mlungana na mlungana.