Luka 8:14 - Kivunjo New Testament 1999

¹⁴ Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Luka 8:14 ပူးပေါင်းရင်းမြစ်များ

Matayo 13:22

Na iya ingyiṙongye mshenyi, icho nyi mndu ekyeicho ṙeṙo lyilya; na mawino ga wuyana, na wulembi wo masaa wokyeilama ṙeṙo lyilya; lyilawaṙe ndunda.

Mariko 4:19

kyaindi ikuwinisha lya kyiwuyana, na wulembi wo masaa, na lango tsa shindo shingyi tsikacha, shekyepfumba Ṙeṙo lyilya lya Ruwa lyilakumbie.

Luka 16:13

Kuwoṙe mṟundi eiṙima iṟundia wandumii wawi-pfo; cha kyipfa, nechisuo ichu na ikunda ichu, ang'u newaṙana na ichu na imina ichu. Mochiiṙima iṟundia Ruwa na masaa-pfo.”

Luka 21:34

“Kyasia ringyenyi mrima yanyu ilachelemeṟo nyi shindo shelya, na wunanzi, na iwinia shindo sha wuyanenyi; mfiri ulya ukocha na konyu kyituukyia chandu mṙego okyetalasuka.

Luka 8:13

Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Luka 8:15

Na tsilya tsa terinyi ngyicha nyi walya wekyeicho na iambilyia Ṙeṙo lyilya lya Ruwa mrimenyi kowo na kui iindia wekyelyiaṙanyia na ilyiwaṙa, numa wekyekumbia ndunda wechikarishia.”

Luka 8:7

Tsingyi tsikaoloka handu hawoṙe msha, na msha iya ikaṙo hamwi natso ikatsiilama.

Yohane 15:6

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

1 Timoteo 6:17

Walya wakyeri wanjama wa wuyana wo wulalu uwawie walakushele, maa walakusurie wunjama wowo wukyeri cha mboshia, indi wakusurie Ruwa ekyeluenenga shindo shoose kulawoṙe iehia kundu luṟunde nasho kui sia.

2 Timoteo 4:10

Kyipfa Dema nalengyiṙa echikunda wuyana-wu wo wulalu, kapfunga kyaro iyenda Tesalonikye. Kyiresikye nayenda Galatia; Tito nayenda Dalyimatia.

Waebrania 6:1

Kyipfa kya ikyo, lukoṙa ionguo malosho ga kuwooka ga Kristo, lupfuṟukane lushikye masiionyi ga kyaro. Maa lulaṙeṙe-se mbonyi tsa malosho-go ga kuwooka, lulaiwuta-se shindo shilawoṙe kyiiṙa na iiṙikyia Ruwa,