Luka 8:13 - Kivunjo New Testament 1999

¹³ Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Luka 8:13 ပူးပေါင်းရင်းမြစ်များ

Mariko 6:20

Cha kyipfa Herode naleouwuo Yohane; amwichi kye nyi mndu o wusumganyi, mweele, kamringa. Na kyiyeri ammwaṙanyie nalewoṙo nyi fowa mrimenyi mnu; na oe nawemwaṙanyia na sia.

Luka 8:12

Walya wa kufuhi na njia nyi walya wekyeicho, numa Satana nekyecha karakuo Ṙeṙo lyilya lya Ruwa mrimenyi kowo, walacheiṙikyia na ikyia.

Luka 8:14

Na tsileoloka mshenyi, nyi walya waleicho na kyiiṙi kya iyenda wakailamo nyi wulembi wo masaa, na ichihiyo lya wuyana, walakumbie ndunda ngyicha.

Yohane 15:2

Orio mbaga ilekyekumbia ndunda ngyekyeimanya; na orio mbaga yekyekumbia ndunda ngyekyeianguo, kundu iengyeṟe ikumbia ndunda.

Yohane 15:6

Mndu alandewe kyindo kyimwi na inyi nekyewiyitso cha mbaga na iuma; wandu wakatsisania na itsiwiyitsa moṙonyi tsikasenekyia.

Yohane 5:35

Yohane nawekyeri cha taa iwuta ngyeela, na nyoe mulechihiyo kyipfa kya kyilya alegamba.

1 Wakorinto 13:2

Lyingyi-se ngaiṙima ionguo shisuku na imanya shiṟika shoose na wuṟango woose; ngawaṙa iiṙikyia lying'anyi ngaiṙima maa isamiṟa fumvu, kokooya ngyilawoṙe ikunda, inyi chi kyindo-pfo.

1 Wakorinto 15:2

na kui yo muikyiṟo; kokooya muiosha mbonyi tsilya ngyilemuongoya; sile kokooya muleiṙikyia kya wulya.

Wagalatia 3:1

Lanyoe Wagalatia mulawoṙe wuṟango, nyi wui alemloga, nyoe walya Yesu Kristo alemuloṟa na pata kye nalekapio msalabenyi?

Wagalatia 3:4

Ngyesa molya wukyiwa wung'anyi kuṙi wulya? Loi chi wulya-pfo. Kyilya kyilemmbutikyia kyiwaṟi imuenenga ikusaṟa chandu kyiweng'anyi.

Wafilyipi 3:17

Kristo nakae mrimenyi konyu kui iiṙikyia, muwakarishe ikundenyi.

Wakolosai 1:23

Mukokuwaṙa na isaṟia lyilya tikyi, muwawikye wuye ya urende, mukokarisho; mulandeilacho na iṙa ikusuria lya Ndumi Ngyicha muleicho mbonyi tsayo, ileongoyo ko shindo shoose shigumbe shikyeri wuyanenyi, ikyeri kye inyi Paulo ngyiwekyeri mṟundi oyo.

Wakolosai 2:7

muwalungye tapu na oe, muwakarishe kui iiṙikyia, chandu mulelosho, mochiengyeṟa iana.

1 Watesalonikye 3:5

Koikyo na inyi kyiyeri ngyilaleiṙima ikarishia-se, ngyileṙuma mndu kundu ngyimanye iiṙikyia lyanyu, Satana alache namuyeshe, na ilya wukyiwa lyanyu lyikawa lyiwoṙe kyiira-pfo.

1 Timoteo 1:19

Uwe mndu awoṙe iiṙikyia na makusaṟo mecha, galya wandu wengyi walegatakulyia kuleshi, wakarumara ko mbonyi tsa iiṙikyia.

Waebrania 10:39

Kyaindi soe lukyeri kyiiṙi kya walya waiiya-iya na iṙeka-pfo, indi lukyeri kyiiṙi kya walya wawoṙe iiṙikyia na ikyiṟa mrima yaṙu.

Yakobo 2:26

Kyipfa chandu kyikyeri kye mmbiu ulawoṙe mrima upfiie, nyi wuṙo na iiṙikyia lyilawoṙe mawuto lyipfiie.

2 Petiro 2:20

Cha kyipfa walya walemṙicha mawicho ga wuyana kui imanya Mndumii na Mkyiṟa Yesu Kristo, kokooya wawoṙo-se na iwingo, mbaṟe yawo ya mafurumionyi gawo nyi ingyiwicho kuta iya ya kuwooka.

2 Petiro 2:22

Kyaindi kyawa kowo kyimwi na mfano ulya o loi, kyite kyawiyilyia mṙeeko okyo kyimonyi, na nguwe ilesanjo yawuya ikufoga-foga toombonyi.

1 Yohane 2:19

Walewuka koṙu, indi wawei wa koṙu-pfo. Kyipfa kokooya wawei wa koṙu, wawekaa hamwi na soe. Kyaindi walecha kundu waloṟo kye chi woose wai wa koṙu-pfo.

Yuda 1:12

Wandu-wa nyi wandu wa ngataṟa, wekyefanyiṟa shelya shanyu mokyelya kyiyeri mosanzia handu hamwi, wechilya kulawoṙe wuowu. Nyi mapuchi galawoṙe mṟinga, gekyeṙoo nyi mkuma. Nyi mashiṙi galawoṙe maṟa, galawoṙe ndunda, gapfiie kawi, na gamakuluo piu.