Luka 7:41 - Kivunjo New Testament 1999

⁴¹ Kagamba, “Mndu umwi ekyeakuya nawewoṙe wasile wawi, umwi naweriko dinari magana gataanu, na o kawi makumi gataanu.

Luka 7:41 ပူးပေါင်းရင်းမြစ်များ

Matayo 18:28

Mṟundi ulya kafuma, kawona umwi o mbuya tsakye, awemmbesa dinari igana. Kamtirimisha, kammbaṙa maṟoo, echigamba, ‘Ngyitaa sile iya uriko.’

Matayo 6:12

Uluhooṟie maṙeko gaṙu, chandu na soe lokyehooṟia walya wekyeluṙekyio.

Mariko 6:37

Kagaluo, kawawia, “Waenengyenyi kyelya.” Wakammbia, “Ngyesa, luende lundeguṟa mkate ya woguru wo dinari magana gawi kundu luwaenengye walye?”

Luka 11:4

Uluhooṟie ngyuunyamaṟi tsaṙu, kyipfa na soe lokyehooṟia orio mndu ekyeluṙekyio. Na ulaluṙuo kyiyeshionyi indi ulukyiṟe ngyeṟo tsa mmbicho ulya.’ ”

Luka 12:48

Na ulya alaichi na oe nawuta kyiwaṟi ikapo, nekapo kyitutu. Na orio mndu aleenengo shifoi, icho neweso shifoi, na ulya alekoomio shindo shifoi, kokye werika na ngoseṟa.”

Luka 13:4

Ang'u walya ikumi na nyanya, waleolokyio nyi numba ipfo Siloamu, ikawawaaga, mokusaṟa kye wawewanyamaṟi kuta wandu woose wawekyeri Yerusalemu?

Luka 7:40

Yesu kagaluo, kammbia, “Simion, ngiwoṙe kyindo ngikundi ikuwia.” Kagamba, “Mlosha, gamba.”

Luka 7:47

Kyipfa kya ikyo ngakuwia, nahooṟio ngyuunyamaṟi tsakye tsifoi, kyipfa nakunda mnu, kyaindi ulya ahooṟio kyitutu, icho nekyekunda kyitutu.”

Waroma 3:23

Kyipfa woose wawutie sha wunyamaṟi na mng'ano o Ruwa otitia kowo.

Waroma 5:20

Indi mawawaso galecha kundu ṙeko lyilya lying'ane mnu. Na kyiyeri wunyamaṟi wuleengyeṟika, isaṟia lyiwefoi ngoseṟa;