Luka 7:39 - Kivunjo New Testament 1999

³⁹ Kyasia, Mfarisayo ulya alemlaga ammbone kuṙo, nalegamba mrimenyi kokye, mndu-chu kokooya awei moonguo shisuku, naweimanya mndu mka-chu aimpaaya nyi wui, na oe nyi o mbaṟe iha, kye nyi mnyamaṟi.

Luka 7:39 ပူးပေါင်းရင်းမြစ်များ

Matayo 20:16

Na wuṙo wa mafurumionyi wechiwa wa kuwooka, na wa kuwooka wechiwa wa mafurumionyi.”

Matayo 21:11

Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Mariko 7:21

Cha kyipfa mrimenyi ko wandu kokyewuka makusaṟo mawicho, wuṟui,

Luka 12:17

Kawooka ikusaṟa mrimenyi kokye, echigamba, ‘Ngyiwikye kuṙa, kyipfa ngyiwoṙe handu ngyekooma shilyimu shako-pfo?’

Luka 15:2

Mafarisayo na walosha wa mawawaso wakamnunuwia, wechigamba, “Mndu-chu nekyeambilyia wanyamaṟi, na ngoseṟa nekyelya nawo.”

Luka 16:3

Mringyi ulya kagamba mrimenyi kokye, ‘Ngyiwikye kuṙa? Kyipfa mndumii oko naingyifuna kyiṟundionyi kyako. Iṙema ngyeiṙima-pfo, iterewa, ngiwona sonu.

Luka 18:4

Na oe kui kyiyeri kyifuhi nalelega. Numa ya iho kagamba mrimenyi kokye, ‘Maa chandu ngyilaiṙikyie Ruwa, maa iwutia wandu mecha,

Luka 3:8

Kyasia kumbienyi ndunda tsifananyi na iṙumbuya wunyamaṟi; maa mulagambe mrimenyi konyu kye muwoṙe awu, nyi oe Abrahamu, kyipfa ngammbia kye, iwuka kunu magoenyi Ruwa nechiiṙima ienenga Abrahamu wana.

Luka 7:16

Wuowu wukowawaṙa woose, wakaṟumisha Ruwa, wechigamba, “Moonguo shisuku ang'anyi nacha na koṙu, na Ruwa naambuya wandu wakye.”

Luka 7:37

Na mndu mka umwi o mṟi ulya, awei mnyamaṟi, kyiyeri aleicho kye naṙamie numba ko Mfarisayo ulya, naleende kyimkyepe kyiwewoṙe mafuṙa gekyepfaama necha.

Luka 7:38

Kagoṟoka numa kufuhi na maṙende gakye, echifiiṟa, kawooka itonyitsia Yesu mcheṟeṟe maṙendenyi gakye, na imwanguo kui njui tsakye echimkomba-komba maṙende na imshia mafuṙa galya.

Luka 7:40

Yesu kagaluo, kammbia, “Simion, ngiwoṙe kyindo ngikundi ikuwia.” Kagamba, “Mlosha, gamba.”

Yohane 4:19

Mndu mka ulya kammbia, “Mndumii, ngyiwonyi kye nui moonguo shisuku!

Yohane 7:12

Kukowaṙa mnunuwo ifoi kyipfa kya Yesu kyiiṙi kya walya wawesanzie halya. Wengyi wakagamba, “Nyi mndu mcha.” Na wengyi wakagamba, “Chi wuṙo-pfo; nailemba walya wasanzie iha.”

Yohane 9:24

Kyasia lya kawi Mafarisayo wakalaga mndu ulya awei kyipfupfuṟe, wakammbia, “Enenga Ruwa kyiṟumi. Soe luichi kye mndu-chu nyi mnyamaṟi.”