Luka 7:16 - Kivunjo New Testament 1999

¹⁶ Wuowu wukowawaṙa woose, wakaṟumisha Ruwa, wechigamba, “Moonguo shisuku ang'anyi nacha na koṙu, na Ruwa naambuya wandu wakye.”

Luka 7:16 ပူးပေါင်းရင်းမြစ်များ

Matayo 15:31

mṟasa wuingyi wulya wo wandu wakaṟiyio, kyiyeri walewona wai ndiṟi waiṙeṙa, wawoṙe shiwungo shifiri waichia, shiwete shichumia na shipfupfuṟe shiwona, wakang'anyisa Ruwa o Isiraelyi.

Matayo 21:11

Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Matayo 28:8

Wakafuma iwinyi iwuka kyilomenyi, kui wuowu na sia ing'anyi, wakayenda weṙicha iongoya wanalosho wakye mbonyi.

Matayo 9:8

Kyiyeri wuingyi wo wandu wulemmbona, walewoṙo nyi wuowu, wakang'anyisa Ruwa, aleenenga wandu wuchilyi wo mbaṟe-i.

Luka 1:65

Woose wawei kufuhi wakawoṙo nyi wuowu; na mbonyi-tso tsoose tsikaongoyo urukyenyi loose lo Uyuda luwewoṙe mafumvu.

Luka 1:68

“Naṟumisho Mndumii, Ruwa o Isiraelyi, kyipfa nalecha na ko wandu wakye, na iwakyiṟa.

Luka 19:44

Wekuolotsa wanda iyoe na wana wapfo wakyeri ipfo moombonyi, walechikuṙeeya igoe wuye ya igoe, kyipfa ulemanya kyiyeri kya Ruwa icha na kopfo-pfo.”

Luka 2:20

Walyisi walya wakawuya weching'anyisa na iṟumisha Ruwa kyipfa kya mbonyi tsoose waleicho na iwona chandu walewio.

Luka 24:19

Kawawesa, “Mbonyi tsiha?” Wakammbia, “Mbonyi tsa Yesu o Nasareti, awekyeri moonguo shisuku awewoṙe wuiṙimi kyiiṙi kya iwuta na iṙeṙa mbele ya Ruwa na wandu woose.

Luka 5:26

Wakaṟiyio woose, wakang'anyisa Ruwa; wakawoṙo nyi wuowu, wechigamba, “Inu lowona mbonyi tsa maṟiyisho.”

Luka 5:8

Simion Petiro ammbone kuṙo, naleoloka maṙendenyi ga Yesu, echigamba, “Wuka koko, kyipfa inyi nyi mndu mnyamaṟi, Mndumii.”

Luka 7:15

Ulya awepfiie kaamka, kaṙamia, kawooka iṙeṙa. Kamwenengyia wamae.

Luka 7:39

Kyasia, Mfarisayo ulya alemlaga ammbone kuṙo, nalegamba mrimenyi kokye, mndu-chu kokooya awei moonguo shisuku, naweimanya mndu mka-chu aimpaaya nyi wui, na oe nyi o mbaṟe iha, kye nyi mnyamaṟi.

Luka 8:37

Na wandu wa uruka lo Wakyerasi lui mbai ya halya walemterewa nawukye kowo, kyipfa walewoṙo nyi wuowu wung'anyi. Kyasia na oe kaṙooya ngalawenyi, kawuya.

Luka 9:19

Wakamgaluo, wechigamba, “Yohane Mpatisi; kyaindi wengyi, Elyia; na wengyi kye nyi umwi o weonguo shisuku wa kacha aṟuka.”

Yohane 1:21

Nawo wakammbesa, “Nyi wui-ng'u? Iyoe nyi Elyiya?” Kagamba, “Inyi chi oe-pfo.” “Iyoe nyi moonguo shisuku ulya?” Kagaluo, “Ote.”

Yohane 1:25

Wakammbesa, wakammbia, “Ny'kyilyi-ng'u uipatisa kokooya iyoe chi Kristo, maa Elyiya, maa moonguo shisuku ulya-pfo?”

Yohane 4:19

Mndu mka ulya kammbia, “Mndumii, ngyiwonyi kye nui moonguo shisuku!

Yohane 6:14

Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”

Yohane 9:17

Kyasia lya kawi wakawia ulya awei kyipfupfuṟe, “Mbonyi tsiha uigamba tsa ichu akuenenga wuiṙimi wo iwona?” Kagamba, “Nyi moonguo shisuku.”

Mawuto Ga Wasu 5:5

Kyiyeri Anania aleicho mbonyi-tsi kaoloka wanda, kapfa. Kyiyeri wandu waleicho mbonyi-tsi wakawoṙo nyi wuowu wung'anyi.

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’

Wagalatia 1:24

Wakaṟumisha Ruwa kyipfa kyako.