Luka 6:38 - Kivunjo New Testament 1999

³⁸ Enengyenyi wandu shindo, na nyoe mochienengo. Kyiyeṟo kyiichuo na itsindo, na ipaayo-payo mṟasa ipusuka, nyikyo wandu wechimuenenga nyoe. Kyipfa kyiyeṟo kyilya kyilya mochiyeṟa ny'kyo mochiyeṟio.”

Luka 6:38 ပူးပေါင်းရင်းမြစ်များ

Matayo 10:42

Na orio mndu echirutsa umwi o iwa watutu mṟinga uichololyia, kyipfa nyi manalosho, ny'kyaloi, ngammbia, wori wokye wochiṙeka maa ale-pfo.”

Matayo 7:2

Kyipfa chandu muianduya wengyi na wuṙo mochianduyo. Na kyiyeṟo kyilya mueṟa nakyo mochiyeṟio.

Mariko 4:24

Kawawia, “Aṙanyienyi kyindo-kyi. Kyindo kyilya muianduya nakyo oṙianyu ny'kyo Ruwa echimuanduya nakyo, kyaindi na wulang'a ngoseṟa.

Luka 6:30

Enenga orio mndu akuterewa, na mndu akusoka shindo shapfo maa ulalangye nakuwiyiṟie.

Yakobo 2:13

Kyipfa Ruwa echiwoṙo nyi fowa mrimenyi kyiyeri aianduya mndu alekyewoṙo nyi fowa mrimenyi-pfo. Kyipfa iwoṙo nyi fowa mrimenyi lying'anyi kuta ianduya.