Luka 6:29 - Kivunjo New Testament 1999

²⁹ Mndu kakukapa ura lumwi, mgalutsie ura lo kawi, na mndu akusoka ijoho lyapfo, ulamwime maa iwale.

Luka 6:29 ပူးပေါင်းရင်းမြစ်များ

Matayo 26:67

Naaho-ng'u wakampuchia maṙa ipfo kyaam, wakamkapa nzina; wengyi wakamkapa ngofi,

Luka 22:64

Wakamshikyia meso, numa wakammbesa-wesa, wechigamba, “Manya nyi wui akukapa?”

Luka 6:30

Enenga orio mndu akuterewa, na mndu akusoka shindo shapfo maa ulalangye nakuwiyiṟie.

Yohane 18:22

Kyasia kyiyeri alegamba isho, mṟundi umwi kyiiṙi kya walya wawegoṟokyi kufuhi kakapa Yesu ukofi, echigamba, “Nuigaluo kuṙo Mkohanyi ang'anyi kuta woose?”

Mawuto Ga Wasu 23:2

Anania, mkohanyi ang'anyi kuta woose, kawia walya wawegoṟokyi kufuhi walachuoe Paulo ṙumbunyi.

1 Wakorinto 4:11

Maa kyiyeri kya wulalu, luwoṙo nyi njaa na nyoṙa, lukyeri kyiṟanguoe, lukapo nzina, lyingyi-se luwoṙe kanyi-pfo.

1 Wakorinto 6:7

Kyasia nyi wufafa wung'anyi konyu kye muṙuana mengyenyi nyoe wenyi ko wenyi. Kyipfa chi nanga iilamo-pfoe? Kyipfa chi necha isoko masaa ganyu-pfoe?

2 Wakorinto 11:20

Kyipfa mokyeṙuana na mndu echimmbika wutumonyi, na immbutia shindo shiwicho sha orio mbaṟe maa imukapa ipfo kyaam.

Waebrania 10:34

Kyipfa mulewonia wukyiwa walya wawewapfungye. Lyingyi-se mukoiṙikyia kui sia isoko masaa ganyu, muichi kye mrimenyi konyu kuwoṙe masaa gai mecha ngoseṟa, galekyesia.