Luka 6:23 - Kivunjo New Testament 1999

²³ Chihiyonyi mfiri-cho na ishoonga-shonga, kyipfa wori wonyu wung'anyi Ruwewu, kyipfa nyi wuṙo waawu wawo walewutia weonguo shisuku.

Luka 6:23 ပူးပေါင်းရင်းမြစ်များ

Matayo 5:12

Chihiyonyi, na ikyesa; kyipfa wori wonyu nyi wung'anyi ruwewu. Kyipfa nyi wuṙo walepfulutsa nyashi weonguo shisuku walemusongoya nyoe.”

Luka 1:41

Na lyilya Elyisapeti aleicho kyiiṟikiṟo kyilya kya Maria, kyikoku kyikakupaaya wosinyi kokye. Elyisapeti kaichuṟo Mumuyo Mweele

Luka 1:44

Kyipfa ilyi ṟui lyapfo lyeiṟikyiṟa lyileiṙa na maṙwinyi gako, kyikoku kyilekupaaya kui sia wosinyi-koko.

Luka 6:35

Indi kundenyi washituwa wanyu. Wutenyi shicha, na mukoakuya mulakunde itoo kyindo, na wori wonyu woching'ana. Na nyoe mochiwa wana wa ai wuye, kyipfa oe namcha ko walya walekyemwana, na wawicho.

Mawuto Ga Wasu 14:10

kagamba na ṟui lying'anyi, “Goṟoka necha kui maṙende gapfo.” Mndu ulya kagoṟoka faṟa kayenda.

Mawuto Ga Wasu 3:8

Kaamka faṟa kawooka iyenda, kaiṙa na hekalunyi hamwi nawo, kachumia echitoola-toola, na iṟumisha Ruwa.

Mawuto Ga Wasu 5:41

Nawo wakawuka halya mengyenyi, wechihiyo cha kyipfa watalo kye wawaṟi isutso kyipfa kya Rina lya Yesu.

Waroma 5:3

Maa chi wuṙo tikyi-pfo, indi luchihiyo taa ngyuukyiwenyi; luichi kye wukyiwa, iṟunda lyakye nyi iende wusimiri.

2 Wakorinto 12:10

Koikyo ngyichihiṟo nyi wufofo, shilahio, ngyuukyiwa tsa orio mbaṟe, kyipfa kya Kristo. Kyipfa kyiyeri ngyikyeri mfofo nyi lyo-ndu ngyiwoṙe pfinya.

Wakolosai 1:24

Wulalu ngyimchihiye kyipfa kya matuuro ngyiwoṙe kyipfa kyanyu. Lyingyi-se ngyiafutsia mmbiunyi koko shilya shilaleafutsio sha matuuro ga Kristo, kyipfa kya mmbiu okye, kyimwi na igamba kye nyi Siṟi yakye.

2 Timoteo 2:12

Kokooya losimiria, lochichilyia hamwi na oe. Kokooya lomkana oe, na oe nelukana soe.

Waebrania 11:26

echiwona kye imino kyipfa kya Kristo kokye nyi wunjama wung'anyi kuta masaa ga Misiri; cha kyipfa naleweṙelyia wori-wo.

Waebrania 11:6

Kyaindi kulawoṙe iiṙikyia kyeiṙimika imchihiṟa-pfo; cha kyipfa mndu ekyeyenda ko Ruwa kyiwaṟi naiṙikyie kye Ruwa nakyeri pfo, na kye nekyeenenga wori walya wekyempfula.

Yakobo 1:2

Wana wa wama wako, talenyi kye nyi sia tikyi, mukooloka shiyeshonyi sha orio mbaṟe;

1 Petiro 4:13

Kyaindi chandu mulelya wukyiwa wo Kristo, chihiyonyi; kundu na kyiyeri kyiṟumi kyakye kyechiloṟo muchihiyo kui ikapa ngulyilyi na ngoru.

Ulogo 2:17

Ulya awoṙe kuṙwi naicho mbonyi-tsi Mumuyo aiwia siṟi. Ulya mowinga ngyechimwenenga ṙombo lya Manna ingyiṟikye, na inyi ngyechimwenenga igoe lya uwiṟo, na wuye ya igoe-lyo hahaṟeie rina lyihya mndu alalyiichi sile ulya ailyiambilyia.’ ”

Ulogo 2:26

Na ulya mowinga, na iringa mawuto gako mṟasa mafurumionyi, ngyechimwenenga ichilyia walya walaiṙikyie Ruwa.

Ulogo 2:7

Ulya awoṙe kuṙwi, naicho mbonyi-tsi Mumuyo aiwia siṟi. Ulya mowinga, ngyechimwenenga ilya ndunda tsa ikyiṙi lya moo, lyikyeri bustanyinyi ya Ruwa.’ ”

Ulogo 21:7

Ulya mowinga nechioṟa ishi, na inyi ngyechiwa Ruwa okye, na oe nechiwa mono-ko.

Ulogo 3:12

Ulya mowinga, ngyechimgaluo nawe ngoe hekalunyi lya Ruwa oko, maa echiwuka-se pfo maa ale-pfo. Na inyi ngyechiṟeia wuye yakye rina lya Ruwa oko, na rina lya mṟi o Ruwa oko, Yerusalemu-yo ngyihya, uisoka iwuka ruwewu ko Ruwa oko. Lyingyi-se ngyeṟeia wuye yakye rina lyako ngyimonyi, lyilya lyihya.

Ulogo 3:5

Ulya mowinga nechiṟiko nguwo-tso ngyiilyi, maa ngyechiwuta rina lyakye kyitapunyi kya moo-pfo, na inyi ngyechiṟingyishia rina-lyo mbele ya Awu oko, na mbele ya malaika wakye.