Luka 6:17 - Kivunjo New Testament 1999

¹⁷ Kasoka hamwi nawo, kagoṟoka handu ha rendewele, hamwi na wanalosho wakye wafoi. Na wuingyi wo wandu walewuka Uyuda koose na Yerusalemu, na mbai ya Tiro na Sidon; walecha imwaṙanyia na ikyiṟo ndoṟe tsawo.

Luka 6:17 ပူးပေါင်းရင်းမြစ်များ

Matayo 11:21

“Ochia lopfo, Korasini! Ochia lopfo Betisaida! Kyipfa cha kokooya shiṟiyisho shilewutika konyu shilewutika kulya Tiro na Sidon wawechiṙumbuya wunyamaṟi kyiyeri kyileshi kyileiṙa kui iṟaa masaṟa na ikushia ifui.

Matayo 12:15

Na Yesu aicho isho shoose nalewuka pfo; na wandu wafoi wakamwosha; kawakyiṟa woose.

Matayo 14:14

Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyiṟa ndoṟe tsawo.

Matayo 15:21

Yesu kawuka handu halya, kayenda mbai ura lo Tiro na Sidon.

Matayo 5:1

Na oe kyiyeri alewona wuingyi wo wandu, naleṙo na fumvunyi; na amṙamie, wanalosho wakye walecha na kokye.

Luka 5:15

Kyaindi mbonyi tsakye tsikaengyeṟa iṙunganana, wuingyi wufoi wo wandu wakasanzia handu hamwi, wamwaṙanyie na ikyiṟo ndoṟe tsawo.

Luka 6:12

Kyasia mfiri iya naleyenda fumvunyi kundu nandeterewa, kalaa kyiṙombo kyio kyoose echiterewa Ruwa.

Luka 6:16

Na Yuda o Yakobo, na Yuda Isikariote, na oe nyi oe alemṟiinga.

Luka 6:18

Na walya waweituuro nyi waṟufui wawicho walekyiṟo.