Luka 5:32 - Kivunjo New Testament 1999

³² Ngyilecha ilaga walya wasumganyi-pfo indi wanyamaṟi waiṙime iṙumbuya.”

Luka 5:32 ပူးပေါင်းရင်းမြစ်များ

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 9:13

Kyaindi yendenyi, mundekulosha kyitambuluo kya maṙeṙo-ga. ‘Ngyikundi isaṟia, maa chi shienengo-pfo’, kyipfa ngyilecha ilaga walya wasumganyi-pfo kyaindi wanyamaṟi.”

Mariko 15:10

Cha kyipfa nalemanya kye wang'anyi wa makohanyi wamṙambika kokye kui wunyenyi.

Mariko 15:7

Hawewoṙe mndu umwi ekyelago Baraba, nampfungye hamwi na walya walelya wuṟiingyi, na iwaaga kyiiṙi kya wuṟiingyi-wo.

Mariko 2:17

Kyiyeri Yesu aleicho nalewawia, “Walaluoe wekyepfula mganga-pfo, kyaindi walya walaikuiṙima. Ngyilecha ilaga wasumganyi-pfo, indi wanyamaṟi.”

Luka 15:10

Ngyimmbia, ‘Nyi wuṙo kuwoṙe sia mbele ya malaika wa Ruwa kyipfa kya mnyamaṟi umwi aṙumbuya wunyamaṟi.’ ”

Luka 15:7

Ngyimmbia nyi wuṙo kochiwaṙa sia ruwewu kyipfa kya mnyamaṟi umwi echiṙumbuya wunyamaṟi, kuta kyipfa kya wasumganyi makumi kyenda na kyenda walawaṟi iṙumbuya wunyamaṟi.”

Luka 19:10

Cha kyipfa Mana o Adamu nalecha ipfula na ikyiṟa kyilya kyiweṙekyie.”

Luka 24:47

Na kye masanga goose geongoyo mbonyi ngyicha kui rina lyakye, mbonyi tsa iṙumbuya wunyamaṟi na ihooṟio gyuunyamaṟi, iwookyia Yerusalemu.

Luka 5:31

Yesu kagaluo, kawawia, “Walya walaluoe wekyepfula mganga-pfo, sile walya waluoe.

Luka 5:33

Nawo wakammbia, “Wanalosho wa Yohane wekyekuretekyia kafong'ui na iterewa. Na wuṙo taa wanalosho wa Mafarisayo; kyaindi wanalosho wapfo wekyelya na inyo!”

Mawuto Ga Wasu 17:30

“Kyasia, kyiyeri kyilya kya kacha kya wutondo Ruwa nalewa cha ilyi alawonyi; indi wulalu naiwia wandu woose wa orio handu waṙumbuye wunyamaṟi.

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Mawuto Ga Wasu 20:21

ngyechiṟingyishia Wayuda na Wakyiṟikyi watochie Ruwa wunyamaṟi na iiṙikyia Mndumii oṙu Yesu Kristo.

Mawuto Ga Wasu 3:19

Kyasia ṙumbuyenyi wunyamaṟi, muwiyilyie Ruwa, kundu ngyuunyamaṟi tsanyu tsiwuto piu, kyiyeri kyilya kyewiyiṟio moo kyipfa kya Mndumii Yesu iṙiko koṙu kyiiṙime iafukyia.

Mawuto Ga Wasu 3:26

Ruwa, amṟutse mṟundi okye Yesu, nalemṙuma konyu kuwooka, kundu nammbikyie mboṟa kui igalutsa orio umwi onyu nakae kuleshi na wuwicho wokye.’ ”

Mawuto Ga Wasu 5:31

Mndu-cho Ruwa nalemng'anyisa kui kuwoko kokye ko kulyoe, nawe Ang'anyi na Mkyiṟa naenengye wandu wa Isiraelyi iṙumbuya na ihooṟio wunyamaṟi.

2 Petiro 3:9

Mndumii ekyekyelyio iafutsia kyaasa kyakye, chandu wandu wengyi wekyekusaṟa kya ikyelyio-pfo, kyaindi nekyesimiria konyu, kyipfa akundi mndu oose naṙekye-pfo, indi woose waiṙime iwona iṙumbuya wunyamaṟi.