Luka 5:29 - Kivunjo New Testament 1999

²⁹ Na Lewi kamwachikyia shelya shifoi kanyi kokye. Napfo kuwewoṙe wuingyi wufoi wo wesania ukamba na wandu wengyi waweilya hamwi nawo.

Luka 5:29 ပူးပေါင်းရင်းမြစ်များ

Matayo 11:19

Mono-Adamu nalecha, echilya na inyo, wakagamba, ‘Ichu nawoṙe ndewu, nyi mnanzi, mbuya ya wesania ukamba na wanyamaṟi!’ Na wuṟango wo Ruwa wochimanyika kui shindo wuṟango-wo wuiṟunda.”

Matayo 5:46

Kyipfa mukokunda wamukundi nyoe tupu, mowona wori wuha? Maa wesania ukamba, wekyeṟunda isho isho-pfoe?

Matayo 9:10

Na kyiyeri aleṙamia kanyi nalye kyelya, wesania ukamba wafoi na wanyamaṟi walecha wakaṙamia handu hamwi na Yesu na wanalosho wakye.

Matayo 9:9

Na Yesu kyiyeri aweiṙa awuka pfo nalewona mndu aṙamie handu hesania ukamba mbai ya ipalyipalyi ekyelago Matayo, kammbia, “Ngyiosha.” Kaamka kamwosha.

Mariko 2:15

Na kyiyeri aweṙamie kanyi kokye echilya, wesania ukamba wafoi na wanyamaṟi waleṙamia hamwi na Yesu na wanalosho wakye; cha kyipfa wawei wafoi wechimwosha.

Luka 15:1

Kyasia wesania ukamba woose na wanyamaṟi wawetikyira kufuhi na oe wamwaṙanyie.

Yohane 12:2

Kyasia wakamwachikyia shelya ipfo Betania; na Marita naweiṟunda pfo, na Lasaro nawekyeri umwi o walya waweilya hamwi na Yesu.

1 Wakorinto 10:27

Na mndu alaiṙikyie Ruwa kakunda muyende kanyi kokye, na nyoe mukokunda iyenda, lyenyi orio kyindo moenengo kulawoṙe iwesa-awesa; maa mulaikulyisa wukyiwa mrimenyi kui ikusaṟa nyi kyiha kyii kyicha na nyi kyiha kyii kyiwicho.