Luka 5:20 - Kivunjo New Testament 1999

²⁰ Na oe lyilya alewona iiṙikyia lyawo, nalewia ulya aluoe, “Mbuya-ko, omhooṟio maṙeko gapfo.”

Luka 5:20 ပူးပေါင်းရင်းမြစ်များ

Matayo 9:2

Wandu wakamwendie mndu awoṙe ndoṟe ya ipfa ngapfu ura lumwi, alee kyitaṟenyi, na Yesu kyiyeri alewona iiṙikyia lyawo, nalewia ulya awoṙe ndoṟe-yo, “Kuwanze lying'anyi mrimenyi, mono-ko; omhooṟio maṙeko gapfo.”

Matayo 9:5

Kyipfa nyi kyiha kyii kyaangu, nyi igamba, ‘Omhooṟio maṙeko gapfo,’ ang'u nyi igamba, ‘Amka, uyende?’

Mariko 2:5

Na Yesu, kyiyeri alewona iiṙikyia lyawo, kawia ulya apfiie ngapfu, “Mono-ko, omhooṟio ngyuunyamaṟi tsapfo.”

Luka 7:48

Naaho kawia mndu mka ulya, “Nohooṟio ngyuunyamaṟi tsapfo.”

Yohane 2:25

kyipfa kuwewoṙe kyimaṙuma kya mndu iṟingyishia mbonyi tsa mndu-pfo; kyipfa oe amonyi nalemanya shikyeri mrimenyi ko mndu.

Yohane 5:14

Numa ya isho Yesu kamkooya hekalunyi, kammbia, “Ambuya, ommbaṙa pfinya; ulawute-se wunyamaṟi, ulacheolokyio nyi kyindo kyiwicho ngoseṟa.”

Mawuto Ga Wasu 11:23

Na oe, amshikye na iwona isaṟia lya Ruwa kachihiyo, katerewa wandu woose waoshane na Mndumii kui iiṙikyia lyiwukyie mrimenyi.

Mawuto Ga Wasu 14:9

Mndu-cho naleicho Paulo kyiyeri aweilosha. Paulo kamwitukuya karii na iwona kye nawoṙe iiṙikyia lya ikyiṟo,

2 Wakorinto 2:10

Kyaindi kokooya mohooṟia mndu kyindo kyoose, na inyi ngyewemhooṟia; kyipfa maa inyi, kookoya ngahooṟia mndu kyindo kyoose, ngamhooṟia kyipfa kyanyu mbele ya Kristo.

Wakolosai 3:13

Mochiṙuana na ihooṟiana, mndu awoṙe kyimaṙuma kyesuuya oṙoe, chandu Mndumii alemuhooṟia nyoe, nyi wuṙo na nyoe.

Yakobo 2:18

Kyaindi mndu negamba, “Iyoe nuwoṙe iiṙikyia, na inyi ngyiwoṙe mawuto. Ngyiloṟa iiṙikyia lyapfo kulawoṙe mawuto, na inyi ngyekuloṟa iiṙikyia lyako kui mawuto gako.”