Luka 4:40 - Kivunjo New Testament 1999

⁴⁰ Na lyilya kuleila, wandu woose wawewoṙe wandu waluoe ndoṟe tsa mbaṟe tsoose walewaende na kokye, kayekyia mawoko wuye ya orio umwi owo kawakyiṟa.

Luka 4:40 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 14:13

Na Yesu kyiyeri aleicho isho, nalewuka ipfo ngalawenyi, kayenda handu halawoṙe wandu, hatsie sau. Na wuingyi wo wandu kyiyeri waleicho, walemwosha wechumia na maṙende wawuka mṟinyi kowo.

Mariko 3:10

Cha kyipfa nalekyiṟa wafoi, mṟasa woose wawewoṙe ngyuukyiwa wakamraia waiṙime impaaya.

Mariko 5:23

echimterewa mnu, echigamba, “Mono-ko mtutu o kyika naipfa. Ngyikuterewa uche, uwikyie kuwoko kopfo wuye yakye, naiṙime ikyia, na iwaṙa moo.”

Mariko 6:5

Maa aleiṙima iṟunda kyiṟiyisho kyoose ipfo-pfo, sile nalewikyia mawoko gakye wuye ya wandu waangu waluoe, kawakyiṟa.

Mawuto Ga Wasu 19:12

maa wandu waluoe wakaendio shitambaa na nguwo tsiwukyie mmbiunyi o Paulo, wakachia ndoṟe tsawo, na waṟufui wawicho wakawuka kowo.

Mawuto Ga Wasu 5:15

na kyikawa kye wandu wawekyefumiṟia wandu waluoe mṟaṟunyi ung'anyi na iwawikyia majamvinyi na makondoṟonyi, kundu ilyi Petiro echicha, maa kyirinje kyakye kyipaaye umwi owo.