Luka 4:34 - Kivunjo New Testament 1999

³⁴ echigamba, “Leka! Lokukyi, Yesu o Nasareti? Nocha ilurumatsa? Ngyikuichi iyoe nyi wui, Mweele o Ruwa.”

Luka 4:34 ပူးပေါင်းရင်းမြစ်များ

Matayo 8:29

Wakakalagatsa, wechigamba, “Luwoṙe kyikyi na iyoe, Mana o Ruwa? Ngyesa nocha ichelutuura kyiyeri kyaṙu kyilashika?”

Mariko 1:24

echigamba, “Luwoṙe kyi na iyoe, Yesu o Nasareti? Ngyesa nocha ilurumatsa?

Mariko 1:34

Kakyiṟa wafoi wawewoṙe ndoṟe tsa orio mbaṟe, kawuta waṟufui wafoi wawicho, maa alelekyia waṟufui wawicho iṙeṙa-pfo, cha kyipfa wawemwichi.

Mariko 5:7

Kakalagatsa kui ṟui lying'anyi, kagamba, “Lekana na inyi, Yesu, Mono-Ruwa akyeri ruwewu. Kui rina lya Ruwa ulangyilyise wukyiwa.”

Luka 1:35

Malaika kagaluo, kammbia, “Mumuyo Mweele necha na kopfo na pfinya tsa icho ai wuye tsekushikyia cha kyirinje. Kyipfa kya ikyo, ikyo kyechifeo kyelago nyi kyiele, Mana o Ruwa.

Luka 4:33

Na kulya sinagoginyi kuwewoṙe mndu awewoṙo nyi mṟufui mmbicho. Kafiiṟa kui ṟui lying'anyi,

Luka 4:41

Waṟufui wawicho nawo wakawuka ko wandu wafoi; wechikalagatsa na igamba, “Iyoe nyi Mana o Ruwa.” Kawaṙeṙia, alawalekyie iṙeṙa, kyipfa walemmanya kye oe nyi Kristo.

Luka 8:28

Na kyiyeri alewona Yesu nalekalagatsa na ioloka wanda mbele yakye na iṙeṙa na ṟui lying'anyi, echigamba, “Ngyiwoṙe kyikyi na iyoe, Yesu, Mana o Ruwa ai wuye? Ngyikuterewa ulangyituure.”

Luka 8:37

Na wandu wa uruka lo Wakyerasi lui mbai ya halya walemterewa nawukye kowo, kyipfa walewoṙo nyi wuowu wung'anyi. Kyasia na oe kaṙooya ngalawenyi, kawuya.

Mawuto Ga Wasu 16:39

Wakacha wakawaterewa; na wamuwafumiṟie nja, wakawaterewa wawukye kulya mṟinyi.

Mawuto Ga Wasu 2:27

Cha kyipfa echiṙa mrima oko ko wapfu-pfo; maa echiṙa mndu okye msimiri napuye kyilomenyi-pfo.

Mawuto Ga Wasu 3:14

Indi nyoe mulekana ulya Mweele, ulya alawoṙe tewe, mukokunda ienengo mmbaagi.

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,

Waebrania 2:14

Kyasia, cha kyipfa wana-wa nyi wandu wawoṙe mmbiu na samu, maa oe nalewewa wuṙo, kundu kui njia ya upfu nanyamaṟe ulya awewoṙe pfinya tsa upfu, Mokyiriinzi,

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.

1 Yohane 3:8

Mndu ekyewuta sha wunyamaṟi nyi o Satana; cha kyipfa Satana nekyewuta sha wunyamaṟi wookyia mawookyionyi. Kyipfa kya ikyo Mono-Ruwa naleloṟo, kundu nanyamaṟe maṟunda ga Mokyiriinzi.

Ulogo 20:2

Kawaṙa injoka lyilya, injoka lyilya lya kacha, Mokyiriinzi ang'u Satana, kalyipfunga maka kyiku.

Ulogo 3:7

“Na ko malaika o siṟi ikyeri Filadelyifia ṟeia: ‘Ishi nyisho agamba ulya akyeri mweele, na akyeri o loi, awoṙe na upfunguo lo Dawidi, ulya mopfunguo maa kulawoṙe mopfunga, na oe nekyepfunga maa kuwoṙe ekyepfunguo-pfo. Ngyiichi mawuto gapfo.