Luka 4:25 - Kivunjo New Testament 1999

²⁵ Kyaindi, kyaloi ngyimmbia, “Kuwewoṙe waka wakusu wafoi urukyenyi lo Isiraelyi kacha kyiyeri kya Elyiya, lyilya ngyina tsileshingo tsilawute mvuo kyiyeri kya maka iṟaṟu na mori iṟandaaṟu, uruka loose lukowaṙa njaa ing'anyi.

Luka 4:25 ပူးပေါင်းရင်းမြစ်များ

Matayo 20:15

Chi sungusinyi iwuta na shilya shii shako chandu ngyikundi-pfoe? Ang'u riso lyapfo lyanyeng'a kyipfa kya inyi iwa mcha?’

Luka 10:21

Kyiyeri kyilya kyilya Yesu kachihiyo Mumuyonyi Mweele, kagamba, “Ngakuana, Awu, Mndumii o ruwewu na uruka, kyipfa shindo-shi, uleshitambuluya wandu waṟango-pfo indi nuleshitambuluya wana watutu. Yee, loi Awu, kyipfa nyi wuṙo kyilekuchihiya.”

Waroma 9:15

Kyipfa naiwia Mose, “Ngyehooṟia ulya ngemhooṟia; ngyesaṟia ulya ngyemsaria.”

Waroma 9:20

Ote! Chi wuṙo-pfo, iyoe mndu. Iyoe nyi wui uigaluo Ruwa? Ngyesa kyindo kyigumbe kyiwie ulya alekyigumba, “Ny'kyilyi ongyigumba kuṙi?”

Wafilyipi 1:11

Na kyiiṙi kyakye soe taa lulewiko kyioṟa, kunu lochisambuṟo wookyia mawookyionyi iṙuana na kyilya oe akundi, ekyewuta shindo shoose iṙuana na kyilya akundi.

Wafilyipi 1:9

amluloṟe kyiṟika kya kyilya akundi, iṙuana na kyilya akundi kyiiṙi kya icho.

Yakobo 5:17

Elyiya nawei mndu o mbaṟe imwi cha soe, kapfuṟukana iterewa ko loi kundu mvuo ilakape, na mvuo ilekapa ko maka iṟaṟu na mori iṟandaaṟu-pfo.

Ulogo 11:6

Iwo wawoṙe pfinya yepfunga ruwewu, kundu mvuo ilakape mfirinyi ya ionguo shisuku lyawo. Nawo wawoṙe pfinya yegaluo mṟinga uwe samu, na iendie uruka orio ngapo, orio kyiyeri wakunda.