Luka 4:23 - Kivunjo New Testament 1999

²³ Kawawia, “Nyi loi mochingyiwia mṙeṙie-chu kye mganga, kukyiṟe kumonyi; mbonyi tsoose luleicho kye tsilewutika Kaperinaumu, uwetsiwute taa iha urukyenyi lopfo kumonyi.”

Luka 4:23 ပူးပေါင်းရင်းမြစ်များ

Matayo 13:54

Na lyilya aleshika urukyenyi lokye, nalewalosha sinagoginyi lyawo, mṟasa wakaṟiyio, wakagamba, “Ichu nyi kwi aleende wuṟango-wu na maṟiyisho-ga?

Matayo 4:13

Kawuka Nasareti, kacha kakaa Kaperinaumu, mṟi ukyeri mbai ya ipalyipalyi, mṟasenyi o Sabulon na Naftalyi;

Matayo 4:23

Na oe nawetenga-tenga urukyenyi lo Galyilaya loose, echilosha masinagoginyi gawo na ilosha Mbonyi Ngyicha ya Wumangyi, na ikyiṟa ndoṟe na wufafa wo orio mbaṟe wandunyi.

Mariko 6:1

Kawuka pfo, kayenda mṟasa uruka lo kowo; wanalosho wakye wakamwosha.

Luka 2:39

Na kyiyeri walemarisa iwuta shoose chandu kyikyigambe mawawasonyi ga Mndumii, walewuya na Galyilaya mṟasa mṟinyi kowo, Nasareti.

Luka 2:51

Kayenda nawo mṟasa Nasareti, na oe nawekyewaindia; na wamae kawika isho shoose mrimenyi kokye.

Luka 4:16

Kayenda Nasareti, halya-ndu aleembeṟio na mfiri o onyonya kaiṙa na sinagoginyi chandu aweichiwie, kagoṟoka kundu nasome.

Luka 4:31

Kasoka mṟasa Kaperinaumu, mṟi o Galyilaya, kawalosha mfiri o onyonya.

Luka 4:35

Yesu kamṙeṙia echigamba, “Tsia, mmbukye.” Naaho-ng'u mṟufui ulya mmbicho kamwolotsa makyiṙi-gawi kammbuka kulawoṙe immbutia kyindo kyiwicho.

Luka 6:42

Ang'u nowia kuṙa mono-womoo, ngyileka ngyiwute kyiunana ipfo risonyi kopfo ulaiambuya mriti ukyeri ipfo risonyi lyapfo kumonyi? Iyoe mkulembecheṟi, wuta kuwooka mriti-cho ipfo risonyi lyapfo, naaho-ng'u ochiwona necha iwuta kyiunana kyilya kyikyeri risonyi lya mono-womoo.”

Yohane 4:28

Kyasia mndu mka ulya kaṙa kyitongoṟima kyilya kyakye, kayenda mṟinyi, kawia wandu,

2 Wakorinto 5:16

Na kyawa soe wookyia wulalu luichi mndu oose kui mbaṟe ya mmbiu-pfo. Maa chandu soe lulemanya Kristo kui mbaṟe ya mmbiu, kyaindi wulalu lumwichi-se kuṙo-pfo.