Luka 4:18 - Kivunjo New Testament 1999

¹⁸ “Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Luka 4:18 ပူးပေါင်းရင်းမြစ်များ

Matayo 11:5

shipfupfuṟe shienengo iwona, shiwete shichumia, wawoṙo nyi taambo waiyeṟemtso, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Matayo 12:20

Echituura mndu mfafa-pfo, maa echiinyala ulya alawoṙe kyitarama-pfo, mṟasa naenengye ianduyo wuwinzi.

Matayo 4:16

Wandu walya wakyeri meemenyi wammbona saa ing'anyi, na walya wakyeri urukyenyi lo kyirinje kya upfu, ngyeela yammboneka kowo.”

Matayo 5:3

“Wagusu iwo wawoṙe wukyiwa wo mrima; kyipfa Wumangyi wo ruwewu nyi wowo.

Luka 4:17

Kaenengyio kyitapu kya moonguo shisuku Yesaya, kakyitaṟahuo, kapfula handu haṟeie,

Luka 6:20

Kapaluo meso kaambuya wanalosho wakye, kagamba, “Wagusu nyoe mui wakyiwa wa mrima, kyipfa Wumangyi wo Ruwewu nyi wonyu.

Luka 7:22

Naaho-ng'u kagaluo, kawawia, “Yendenyi mundeongoya Yohane shilya mushiicho na ishiwona. Shipfupfuṟe shienengo iwona, shileeta shichumia, wawoṙo nyi taambo waiilyiṟo, wapfu maṙwi waiicho, wapfu waiṟutso, na wakyiwa waiongoyo Mbonyi Ngyicha.

Yohane 1:41

Icho nalewona Simion kuwooka mono-wama okye oe amonyi, kammbia, “Lommbona Mesia.” (Kyimwi na igamba, Kristo).

Yohane 12:46

Inyi ngyilecha kundu ngyiwe ngyeela ya wuyana, kundu orio mndu angyiiṙikyia inyi alakae meemenyi.

Yohane 3:34

Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 26:18

Uwapfunguoe meso, na iwaweṟutsa waṙe meema na iyenda saenyi, waṙe pfinya tsa Satana na iyenda ko Ruwa; naaho-ng'u Ruwa nawahooṟie ngyuunyamaṟi tsawo na wechikaa halya-ndu walya Ruwa awailyishie wechikaa kui ingyiiṙikyia inyi.’ ”

Mawuto Ga Wasu 4:26

Wamangyi wa wuyana wakuṟeyeṟie, na wasongoru waichila handu hamwi chandu wewingana na Ruwa na Kristo okye.’ ”

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,

Wakolosai 1:13

Na oe nalelukyiṟa iwuka pfinyenyi tsa meema, kalusamiṟa na iluṙuo Wumangyinyi wo Mana o ikunda lyakye;

Yakobo 2:5

Wana wa wama wako wakunde, aṙanyienyi, “Ngyesa Ruwa alesambuṟa wakyiwa wa wuyana wawe wanjama wa iiṙikyia na weoṟa Wumangyi aleteṟia wamkundi-pfoe?”

1 Petiro 2:9

Indi nyoe nyi kyishari kyisambuṟe, wukohanyi wo kyimangyi, isanga lyiele, wandu wa wuchilyi wo Ruwa, muiṙime ionguo mbonyi tsa mawuto gakye ga maṟiyisho. Ulya alemulaga muwukye meemenyi muiṙe na ngyeelenyi yakye ya maṟiyisho.