Luka 24:44 - Kivunjo New Testament 1999

⁴⁴ Numa ya iho kawawia, “Igo nyigo maṙeṙo gako ngyilemmbia lyilya ngyiwekyeri hamwi na nyoe, kye kyakooya shiafutsio shoose Mose aleṟeia Uwawasonyi kyipfa kyako na shilya weonguo shisuku waleṟeia na shilya shishiṟeie shiimbonyi.”

Luka 24:44 ပူးပေါင်းရင်းမြစ်များ

Matayo 1:22

Isho shoose shaṟundika kundu kyiafukyie kyindo kyileṙeṙo nyi Mndumii kui ndumo ya moonguo shisuku echigamba,

Matayo 16:21

Wookyia kyiyeri-kyo Yesu nalewooka iwia na pata wanalosho wakye kye kyimmbaṟi iyenda Yerusalemu na iambilyia matuuro gafoi iwuka ko wameeku wa mengye, na wang'anyi wa makohanyi, na walosha wa mawawaso, na iwoogo, na mfiri o kaṟaaṟu iṟuka.

Matayo 26:54

Kyasia kokooya Ruwa aṙika ngyuulyimalyi tsengyikapania shiṟeio shechiafutsio kuṙa kye isho nyisho shiwaṟi iwa?”

Matayo 26:56

Kyaindi ishi shoose shawa, kundu shiṟeio sha weonguo shisuku shiwe chandu shigambie.” Naaho-ng'u wanalosho woose wakamṙa wakaṙicha.

Mariko 9:31

Cha kyipfa naweilosha wanalosho wakye, kawawia, “Mono-Mndu naindewiko mawokonyi ga wandu, nawo wechimmbaaga; na kammboogo, numa ya mfiri iṟaṟu nechiṟuka.”

Luka 21:22

Cha kyipfa mfiri-yo nyiyo yetaa kyiṟaache, kundu shiafukyie shoose shishiṟeie.

Luka 22:37

Cha kyipfa ngyimmbia, isho shileṟeio kyakooya iafutsio koko, kye naletalyio hamwi na wanyamaṟi. Cha kyipfa isho shingyiwaṟi shiwoṙe mafurumionyi gasho.”

Luka 24:46

Kawawia, “Nyi wuṟo kyiwekyiṟeie, kye Kristo nechituuro na iṟuka mfiri o kaṟaaṟu.

Luka 9:22

echigamba, “Kyakooya Mana o Adamu iwona matuuro gafoi na ilego nyi wameeku wa mengye na wang'anyi wa makohanyi na walosha wa mawawaso, na iwoogo na mfiri o kaṟaaṟu iṟuka.”

Luka 9:44

“Aṙanyienyi necha mbonyi-tsi ngyimmbia, cha kyipfa Mana o Adamu naindewiko mawokonyi ga wandu.”

Yohane 3:14

“Na chandu Mose aleira njoka iya kulya nukyenyi ngyiumu suwaa ilawoṙe maa mṟinga, na wuṙo Mana o Adamu awaṟi iiro;

Yohane 5:39

Mokyekulosha mbonyi tsa shiṟeio shiele, cha kyipfa mokyekusaṟa kye kyiiṙi kyasho mochiwona moo o mlungana; na shiṟeio-sho shagamba mbonyi tsako.

Yohane 5:46

Cha kyipfa kokooya muleiṙikyia Mose, muwechingyiiṙikyia inyi; cha kyipfa Mose naleṟeia mbonyi tsako.

Mawuto Ga Wasu 13:33

kye Ruwa naleafutsia kyaasa-kyo ko wana waṙu, kui iṟutsa Yesu; chandu kyikyiṟeie Kyiimbonyi kya Kawi, ‘Iyoe nyi oe Mono-ko, inyi inu ngawa Awuyo.’ ”

Mawuto Ga Wasu 13:40

Kyasia, kuringyenyi mulachewutikyio mbonyi iya ilegambo shiṟeionyi sha weonguo shisuku,

Mawuto Ga Wasu 2:27

Cha kyipfa echiṙa mrima oko ko wapfu-pfo; maa echiṙa mndu okye msimiri napuye kyilomenyi-pfo.

Mawuto Ga Wasu 3:18

Kyaindi shindo shilya Ruwa aleshionguo wookyia kacha kui maṙumbu ga weonguo shisuku woose, kye Kristo nechilyiso wukyiwa, naafutsia isho.

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’

Waebrania 10:1

Kyasia uwawaso, kyipfa nyi kyirinje kya mecha gechicha, maa chi fana ya mecha-go-pfo, kui shiṙaso shilya shilya waleenengyia orio maka, shechiiṙima kyiyeri kyoose igaluo walya wekyecha iindia na iana Ruwa iwa wandu waafutsie-pfo.

Waebrania 3:5

Na Mose loi naleafutsia shilya aleteṟia kyiyeri alesongoya wandu woose wa Ruwa cha mṟundi, nawe wuṟingyishi wo shindo shechigambo numa ya iho,

Waebrania 7:1

Cha kyipfa Melyikyisedekyi-cho, mangyi o Salemu, mkohanyi o Ruwa ai wuye ruwewu, nalekarisana na Abrahamu kyiyeri aweiwuya ikapa wamangyi-wo, kammbikyia mboṟa.

Waebrania 9:8

Mumuyo Mweele kaloṟa kyindo-kyi, kye njia ya iiṙa na halya-ndu haele ilekoyammanyika-pfo, kyiyeri-kyo tengo lya ipfo kyanja lyilalekolyammbuka ho.

1 Petiro 1:11

Wakapfula nyi kyiyeri kyiha, na nyi kyiyeri kya mbaṟe iha kyileikyimbo nyi Mumuyo o Kristo awekyeri mrimenyi kowo, ulya alesonguo iṟingyishia matuuro Kristo echienengo, na kyiṟumi kyekokyikyeri pfo numa ya isho.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.