Luka 24:36 - Kivunjo New Testament 1999

³⁶ Na lyilya waweiṙeṙa mbonyi-tso oe amonyi nalegoṟoka makyiṙi-gawi gawo, kawawia, “Ufoṟo lukae konyu.”

Luka 24:36 ပူးပေါင်းရင်းမြစ်များ

Matayo 10:13

Na kokooya mndu-cho na walya wa kanyi kokye wawaṟi, ufoṟo lo Mndumii lukae nawo; indi kokooya walawaṟi, ufoṟo lo Mndumii lummbiyilyie nyoe.

Mariko 16:14

Numa ya iho kawono nyi walya ikumi na umwi kyiyeri waweilya. Kawaṙeṙia kyipfa kya iiṙikyia lyawo lyaangu na wuumu wo mrima yawo, cha kyipfa waleiṙikyia walya walemmbona kyiyeri aleṟuka ko wapfu-pfo.

Luka 10:5

Na orio numba mochiiṙa napfo, gambenyi kuwooka kye ufoṟo lukae kunu kanyi.

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Yohane 16:33

Isho ngammbia muiṙime iwaṙa ufoṟo muwaṙanyi na inyi. Kunu wuyanenyi muwoṙe fowa; kyaindi kuwanzenyi; inyi ngyilewinga wuyana.”

Yohane 20:26

Kyasia, hamwiṙe mfiri nyanya, wanalosho wakye wawekyeri-se numba, na Tomasi nawekyeri hamwi nawo. Yesu kacha, na moongo iwengyishingye. Kagoṟoka makyiṙi-gawi gawo, kagamba, “Ufoṟo lukae konyu.”

Mawuto Ga Wasu 1:3

Walya alekuṟingyishia kowo, kui iwuta shindo shifoi, numa ya ilyiso wukyiwa, kye nai na moo; echiwawonekyia kyiyeri kya mfiri makumi gaana, na ionguo mbonyi tsa Wumangyi wo Ruwa.

1 Wakorinto 15:5

Na kye nalewonekyia Kyefa; lyingyi-se na walya ikumi na wawi.

1 Wakorinto 15:7

Numa ya iho kachia Yakobo; lyingyi-se na wasu woose.

2 Watesalonikye 3:16

Wulalu, Mndumii o ufoṟo amonyi namuenengye ufoṟo kyiyeri kyoose kui njia tsoose. Mndumii nawe hamwi na nyoe moose.

Ulogo 1:4

Inyi Yohane, ngaṙika shiiṟikyiṟo ko siṟi tsilya mfungaaṙe tsikyeri urukyenyi lo Asia. Isaṟia lyikae konyu na ufoṟo, shiwukyie ko ulya awekyeri pfo na akyeri pfo na echicha. Isaṟia na ufoṟo shiwukyie ko mumuyo iya mfungaaṙe ikyeri mbele ya kyitima kya Ruwa kya mng'ano.