Luka 24:32 - Kivunjo New Testament 1999

³² Wakawiana, “Ngyesa mrima-i yaṙu yaluloṟa ilyi aweiṙeṙa na soe njienyi, na ilutambuluya shiṟeio-pfoe?”

Luka 24:32 ပူးပေါင်းရင်းမြစ်များ

Mariko 4:34

Maa aleṙeṙa nawo kulawoṙe mfano-pfo; kyaindi kaongoya wanalosho wakye amonyi mbonyi tsoose kui kyiṟika.

Luka 24:45

Nyi lyo-ng'u aletambuluo ngyuuṟango tsawo waiṙime imanya shiṟeio.

Yohane 6:63

Mumuyo o Ruwa nyi oe ekyeenenga wandu moo, pfinya ya mndu iwoṙe kyiiṙa kyoose-pfo. Mbonyi-tsi ngamuongoya nyi Mumuyo, ngoseṟa nyi moo.

Mawuto Ga Wasu 28:23

Wamteṟiane na Paulo mfiri wechiwaṙa kyisanzionyi na oe wandu wafoi mnu wakacha na kulya numbenyi awekyekaa. Kawaongoya necha na iṟingyishia Wumangyi wo Ruwa, echiwaikyimbia kui mbonyi tsa Yesu, na mbonyi tsa mawawaso ga Mose na ga weonguo shisuku, wookyia ngamenyi mṟasa kyukonyi.

Waebrania 4:12

Kyipfa Ṙeṙo lya Ruwa lyiwoṙe moo, lyingyi-se lyiwoṙe pfinya; lyingyi-se lyilyiohi kuta ushu loose lo mmbega kuwi; lyingyi-se lyekyekoṟa mṟasa lyikaiṙima iletsana mrima na ngoo, na shiwungo na mafuṙa gakyeri ipfo shiwungonyi; lyingyi-se lyilyianguhu imanya makusaṟo na kyilya mrima ukundi.