Luka 24:27 - Kivunjo New Testament 1999

²⁷ Kawooka wookyia Mose na weonguo shisuku woose, kawaongoya shiṟeionyi shoose, mbonyi tsakye oe amonyi.

Luka 24:27 ပူးပေါင်းရင်းမြစ်များ

Mariko 4:34

Maa aleṙeṙa nawo kulawoṙe mfano-pfo; kyaindi kaongoya wanalosho wakye amonyi mbonyi tsoose kui kyiṟika.

Luka 24:25

Kawawia, “Nyoe wandu mulaichi, muwoṙe mrima ngyilemeri iiṙikyia shoose weonguo shisuku walegamba!

Luka 24:44

Numa ya iho kawawia, “Igo nyigo maṙeṙo gako ngyilemmbia lyilya ngyiwekyeri hamwi na nyoe, kye kyakooya shiafutsio shoose Mose aleṟeia Uwawasonyi kyipfa kyako na shilya weonguo shisuku waleṟeia na shilya shishiṟeie shiimbonyi.”

Yohane 1:45

Filyipo kawona Natanaelyi kammbia, “Lommbona ulya mbonyi tsakye tsingyiṟeie mawawasonyi ga Mose na weonguo shisuku, Yesu mana o Yosefu, mndu o Nasareti.”

Yohane 12:41

Mbonyi-tsi Yesaya naletsionguo, cha kyipfa nalewona mng'ano okye, kasenda mbonyi tsakye.

Yohane 5:37

Na Awu ulya alengyiṙuma nangyiṟingyishia. Ṟui lyakye mulandelyiicho kyiyeri kyoose maa fana yakye muleiwona-pfo.

Yohane 5:39

Mokyekulosha mbonyi tsa shiṟeio shiele, cha kyipfa mokyekusaṟa kye kyiiṙi kyasho mochiwona moo o mlungana; na shiṟeio-sho shagamba mbonyi tsako.

Mawuto Ga Wasu 10:43

Icho weonguo shisuku woose walemṟingyishia, kye kui rina lyakye orio momwiṙikyia nechihooṟio wunyamaṟi.”

Mawuto Ga Wasu 3:18

Kyaindi shindo shilya Ruwa aleshionguo wookyia kacha kui maṙumbu ga weonguo shisuku woose, kye Kristo nechilyiso wukyiwa, naafutsia isho.

Mawuto Ga Wasu 3:22

Cha kyipfa loi Mose nalegamba kye Mndumii onyu nechimuenenga moonguo shisuku iwuka ko wana wa wamanyu, cha inyi; mwaṙanyienyi shindonyi shoose echimuongoya.

Mawuto Ga Wasu 3:24

Yee, na weonguo shisuku woose wookyia Samolyi na walya walecha numa yakye, woose waleṙeṙa, waleonguo mbonyi tsa mfiri-i.

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’

Mawuto Ga Wasu 8:35

Filyipo kamwongoya mbonyi ngyicha tsa Yesu Kristo, echiwooka na kyiṟeio kyilya kyilya mndu ulya o Kushi aweisoma.

Ulogo 19:10

Na inyi ngaoloka mbele ya maṙende gakye, kundu ngyimterewe na imwindia. Kangyiwia, “Molawute kuṙi. Inyi nyi mongari opfo na o wana wa wama wapfo wawoṙe wuṟingyishi wo Yesu. Terewa na iindia Ruwa.” Cha kyipfa wuṟingyishi wo Yesu nyiwo mumuyo o ionguo shisuku.