Luka 23:7 - Kivunjo New Testament 1999

⁷ Na kyiyeri alemanya kye nakyeri wuchilyinyi wo Herode, nalemṙika ko Herode, kyipfa maa oe nawekyeri Yerusalemu mfiri iya.

Luka 23:7 ပူးပေါင်းရင်းမြစ်များ

Matayo 14:1

Kyiyeri kyilya mangyi Herode naleicho mbonyi tsa Yesu.

Matayo 14:3

Kyipfa Herode nalekoawaṙa Yohane, kampfunga, kammbika kyipfungonyi, kyipfa kya Herodia, mka o Filyipo mono-wamae.

Matayo 14:6

Na kyiyeri mfiri ung'anyi o ifeo lya Herode uleshika mana o Herodia o waka naletema mbele ya wandu, kachihiṟa Herode,

Mariko 6:14

Na Mangyi Herode kaicho mbonyi, cha kyipfa rina lya Yesu lyiwesendo orio handu, kagamba, “Yohane Mpatisi naṟuka ko wapfu, koikyo pfinya-tsi tsiṟunda kyiiṙi kyakye.”

Luka 13:31

Kyiyeri kyilya kyilya Mafarisayo waata wakayenda kokye, wakammbia, “Wuka iha, uyende handu hengyi, cha kyipfa Herode nakundi ikuwaaga.”

Luka 23:6

Kyiyeri Pilato aleicho isho nalewesa kokooya nyi-we mndu o Galyilaya.

Luka 3:1

Maka o ikumi na kataanu o ichilyia lya Kaisari Tiberia, kyiyeri Pontio Pilato awei mchilyi o Uyuda, na Herode mangyi o Galyilaya, na Filyipo, mana o wamae, mangyi o Iturea na uruka lo Tirakoniti, na Lyisania, mangyi o Abilene,

Luka 9:7

Na Mangyi Herode kaicho mbonyi tsa isho shoose shilewutika, kaiṟewe mnu kyipfa wandu wengyi walegamba kye Yohane naṟuka ko wapfu;

Mawuto Ga Wasu 4:27

“Kyipfa nyi loi, Herode na Pontio Pilato hamwi na wandu walaiṙikyie Ruwa na wandu wa Isiraelyi, walesanzia kunu mṟinyi, wechichila mbonyi tsa Mṟundi opfo mweele Yesu, ulemshumbuo,